प्रदर्शन उग्र बनाउन मधेसी मोर्चा जिउँदा व्यक्तिलाई मृत घोषणा गर्दै

<p>काठमाडौं ।<br>प्रदर्शनको क्रममा गोली लागि घाइते भएका दिगम्बर यादवको धरानको वीपी कोइराला स्वास्थ्य विज्ञान प्रतिस्ठानमा उपचार भइरहँदा मधेशी मोर्चाले भने उनलाई मृत घोषणा गरेको छ ।<br><br>सप्तरी घटनापछि आन्दोलन उग्र बनाउन मृत व्यक्ति सँख्या बढाउँदै मोर्चाले अस्पतालको बेड नम्वर १० मा उपचार भइरहेका यादवलाई मृत्यु भएको भन्दै विज्ञप्तिमा नाम किटान गरेर लेखेको छ ।<br><br>यादवको पिठ्यूमा गोली लागेको भने उनको इमर्जेन्सीमा उपचार भइरहेको छ ।<br><br>सप्तरी झडपमा सुरक्षाकर्मीको गोली लागेर संजन मेहता, आनन्द साह र पिताम्बर लाल मण्डलको मृत्यु भएको छ । यसको अस्पतालले पनि पुष्टि गरेको छ । जस अनुसार अहिलेसम्म मृत्यु भएकाको संख्या तीन जना मात्र छ ।<br><br>अस्पतालका अनुसार सप्तरी घटनामा घाइते भएका १५ जनालाई अस्पताल भर्ना गरिएको थियो ।<br><br>तर यसअघि केही अनलाईनहरुले भने मृत्यु भएकाको संख्या भन्दै सात जना समेत अफवाह फैलाउनेगरि लेखेको पाइएको छ ।<br><br></p>