संविधान संशोधन विधेयक तत्काललाई स्थगित गर्न प्रधानमन्त्री र देउवाको प्रस्ताव

<p>काठमाडौं : संविधान संशोधन विधेयक पारित गर्न दुई तिहाइ मत नपुग्ने निश्चितप्राय: देखिएपछि प्रधानमन्त्री पुष्पकमल दाहाल प्रचण्ड र काँग्रेस सभापति शेरबहादुर देउवाले संसदीय प्रक्रियामा रहेको संविधान संशोधन विधेयक तत्कालका लागि स्थगन गर्ने प्रस्ताव गरेका छन्।&nbsp;<br></p><p>दाहाल र देउवाले स्थानीय तहको संख्या बढाउने र राष्ट्रिय सभाको निर्वाचन मण्डलबाट स्थानीय तहको प्रतिनिधित्व हटाउने विषयमा भने लचिलो हुने बताएका छन्। प्रधानमन्त्री निवास बालुवाटारमा काँग्रेस, माओवादी केन्द्र, राप्रपा, फोरम लोकतान्त्रिक र संयुक्त मधेसी मोर्चाबीच बुधबार बसेको संयुक्त बैठकमा प्रधानमन्त्री दाहालले सुरुमै संशोधन प्रस्ताव स्थगित गरेर निर्वाचनमा सहभागी हुन मोर्चालई आग्रह गरेका थिए।&nbsp;<br></p><p>तर, मोर्चाले भने यसलाई ठाडै अस्वीकार गर्दै मधेसको मुद्दा सम्बोधन नभई निर्वाचनमा जान नसकिने र हुन पनि नदिने अडान दोहोर्‍याएको थियो। &nbsp;'अब संविधान सोशोधन हुने अवस्था छैन।&nbsp;<br></p><p>पास हुनसक्ने अवस्था भए अघि बढाउनु राम्रो हो। तर पारित नहुने भएपछि किन भोटिङमा लैजाने ?' प्रधानमन्त्रीको भनाई उद्धृत गर्दै स्रोतले भन्यो, '२ नम्बर प्रदेशमा स्थानीय तहको इकाई बढाएर निर्वाचन गरौँ।' प्रधानमन्त्रीको भनाइमा सही थाप्दै काँग्रेस सभापति देउवाले बैठकमा सहभागी राप्रपा अध्यक्ष कमल थापालाई लक्षित गर्दै भने, 'संशोधन अघि बढाए कमल (थापा) जीले नै भोट हाल्नु हुन्न। पास नहुने विधेयकलाई किन भोटिङमा लैजाने ? निर्वाचनमै जाउँ।'<br></p><p>कान्तिपुर दैनिकमा समाचार छ ।&nbsp;</p>