बदनाम भएका मानव तस्करको नाम देउवाले फिर्ता लिएपछि सरकार नयाँ नाम छान्दै

<p>काठमाडौं ।<br>नेपाली काँग्रेसका सभापती शेरबहादुर देउवाले आर्थिक लेनदेनमा मानव तस्करीको आरोप खेप्दै आएका दुई महिलालाई राजदूतमा सिफारिस गरेपनि त्यसबाट पछि हटेका छन् ।<br><br>दुईदिन अघिमात्र विवादीत ओमान र यूएईका लागि प्रस्तावित राजदूतको नाम फिर्ता नलिने अडान लिएका देउवाले उक्त नाम फिर्ता लिएपछि सरकारले औपचारिक रुपमा यसबारे आज जानकारी गराउने तयारी गरेको छ ।<br><br>मन्त्रिपरिषद्को बैठकले विवादीत यूएईका लागि नेपाली राजदूतमा सिफारिस आशाकुमारी लामा र फोरम लोकतान्त्रिकको कोटाबाट ओमानका लागि राजदूतमा शर्मिला पराजुली ढकालको नाम फिर्ता लिने तयारी गरेको छ ।<br><br>दुबै राजदूत म्यानपावर व्यवसायमा संलग्न भएको लगायतका विवादमा मुछिएपछि सरकारले उनीहरुको नाम फिर्ता लिने भएको हो ।<br><br>अन्य १२ जनाको राजदूत सिफारिस भने कायमै रहने बताइएको छ ।<br><br><br><br></p>