घर भाँडुवा गृहमन्त्री । एमालेको कार्यक्रम बिथोलेर जाइलाग्न निर्देशन

<p>काठमाडौं ।<br>जो अगुवा उहि कुन्नी के भने जस्तै छन् देशका नीति निर्माताहरु । देशमा शान्ति सुरक्षा कायम गराउने जिम्मेवारी सम्हालेका उपप्रधान तथा गृहमन्त्री विमलेन्द्र निधि विपक्षी दलका गतिविधि भाँड्न भन्दै कार्यकर्तालाई उचाल्दै हिँड्न थालेका छन् ।<br><br>भारत नीकट रहेर भारतीय स्वार्थका काम गर्दै आएको आम आरोप खेप्दै आएका काँग्रेसका नेता तथा गृहमन्त्री बिमलेन्द्र निधिले प्रमुख प्रतिपक्षी दल नेकपा एमालेको नामै लिँदै तराईमा निधेषको राजनीतिलाई प्रोत्साहित गर्नेगरी अभिव्यक्ति दिएका छन् ।<br><br>कांग्रेसनिकट नेपाल महिला संघद्धारा सिराहामा आयोजित कार्यक्रमलाई सम्बोधन गर्दै उनले भने– ‘गाउँ गाउँमा जानुस् एमालेलाई राष्ट्रघाती भन्नुस्, एमालेका गतिविधि हुन थाले भने लखेट्नुस् ।’<br><br>पहाड र तराईलाई मिलाउन संविधान संशोधन विधेयक ल्याइएको दावी गर्दै निधिले प्रस्तावका पक्षमा भोट नहाले एमालेलाई लाठो लिएर लखेट्न आह्वान गरे ।<br><br>एमालेले जे जे भन्यो त्यही त्यही पत्याएकोमा आक्रोश पोख्दै निधिले अगाडि भने– ‘एमाले राष्ट्रघाती हो, हामी राष्ट्रवादी हौं । अब एमालेलाई राजनीतिबाट किनारा लगाउनुपर्छ एमालेमुक्त देश बनाउनुपर्छ ।’<br><br>संविधान संशोधन विधेयक पारित नभए चुनाव पनि नगरिने चेतावनी दिएका गृहमन्त्री निधिले एमाले अध्यक्ष केपी शर्मा ओलीको खुलेरै विरोध गरे ।<br><br>कार्यक्रममा कांग्रेस सांसद महेन्द्र यादवले मधेसमा आएर एमाले अध्यक्ष ओलीले ठूलो जनसमुहमा भाषण गर्दा पनि मधेसी मोर्चाका कार्यकर्ताले अवरोध नगरेको भन्दै आक्रोश पोखे ।<br><br><b>एमालेको आपत्ति</b><br><br>यो अभिव्यक्तिपछि नेपालकै पूरानो प्रजातान्त्रिक पार्टी कांग्रेसका प्रभावशाली नेतासमेत रहेका निधिले एमालेसँग प्रतिशोध साँध्ने तवरले निषेधको राजनीतिलाई प्रोत्साहित गरी गैर लोकतान्त्रिक चरित्र देखाएको टिप्पणी एमाले नेताहरुले गरेका छन् ।<br><br>‘गृहमन्त्री निधिको यो कदम पहाड र तराई तथा एमाले र तराईबीचको सामाजिक सद्भाव खल्बल्याउने खालको रहेको छ’ भन्दै एमालेले आपत्ति जनाएको छ ।<br><br></p>