4.12C
२८ चैत, काठमाडौं । बिही ९ ड्याङगाउँमा एक संस्थाले सोलार बिजुली बाँड्यो ।
४० घरपरिवारका सदस्य बिजुली बत्तीको उपकरण लिन उपस्थित भए । संस्थाले बुझिलिएको भर्पाई गराउँदा चालिसै घरका सदस्यले ल्याप्चे सही गरेको आजको अन्नपूर्णमा समाचार छ ।
‘हाम्रो गाउँका सबैले ल्याप्चे गरे, मलाई साह्रै लाजमर्दो भयो,’ अघिल्लो साता भएको कार्यक्रमबारे स्थानीय बिही युवा मैत्री क्लबका सल्लाहाकार नवीन गुरुङले भने, ‘गाउँमा विद्यालय छैन, त्यसैले कसैले पनि पढ्न पाएनन् ।’
बिही गाविसका नौवटै वडामा विद्यालय नभएको उनले बताए । गाउँका कोही युवा पढ्न काठमाडौं र सदरमुकाम गोरखा गएका छन् । उनीहरु गाउँ र्फकन मान्दैनन् । ‘गाउँमा शतप्रतिशत ल्याप्चे छन् ‘ उनले भने ‘अरुले देख्दा पनि लाजमर्दो ।’
बिही २ मा गुम्बा हिमाली प्रावि थियो । शिक्षक कहिल्यै पनि विद्यालयमा नजाने गरेपछि विद्यार्थी शून्य भएका कारण चार वर्षदेखि विद्यालय बन्द भयो ।
