यमबुद्ध त साँच्चै नबोल्ने बुद्ध बनेर कहिल्यै नगाउनेगरि फर्कीएछन्

<p>काठमाडौं ।<br>खुशी र उत्साह भन्दापनि श्रीमतीसँगै रहन देश छाडेर लण्डन पुगेका लोकप्रिय र्यापर गायक अनिल अधिकारी यमबुद्ध नेपाल फर्कीए ।<br><br>मानविय भावना र संवेदनासँगै आभाष र आवेगलाई टपक्कै टिपेर गितमा गाउने यमबुद्ध नेपाल त फर्कीए तर कहिल्यै गित नगाउनेगरि । अर्थात् निधन भएको १५ दिनपछि यमबुद्धको शव नेपाल ल्याइयो ।<br><br>शौचालयमा झुण्डिएको अवस्थामा मृत भेटिएका भनिएका यमबुद्धले आत्महत्या गरेको लण्डन प्रहरीले बताएको छ ।<br><br>आफ्ना प्रिय गायकको निधनपछि शव नेपाल आउने खवर पाएका सयौं युवा बिमानस्थल उनको शव लिन पुगेका थिए ।<br><br>यमबुद्धको शवमा श्रद्धाञ्जलीका लागि प्रज्ञा प्रतिष्ठानमा राखिएको थियो । साँझ पशुपती आर्यघाटमा अन्त्येष्टि गरिएका यमबुद्धप्रति अन्तिम श्रद्दाञ्जली सहित उनको पार्थिव शरिरमा पुष्पगुच्छा चढाउन हजारौंको संख्यामा संगित तथा कलाकर्मीसँगै नेपाली युवायुवतीहरु पुगेका थिए ।<br><br>बिमानस्थलमा यमबुद्धको शव देखेपछि उनको आमा मुर्छित हुनुभएको थियो भने उनका आफन्त तथा प्रशंसकहरु भावविह्वल बनेका थिए ।<br></p>