ऐन अड्काएर चुनावको तयारी अघि बढाउन निर्वाचन आयोगलाई प्रधानमन्त्रीको निर्देशन

<p>काठमाडौं ।<br>निर्वाचनको लागि आवश्यक ऐन संसदमा अड्काएर प्रधानमन्त्री पुष्पकमल दाहालले निर्वाचन तयारी थाल्न प्रमुख निर्वाचन आयुक्त अयोधिप्रसाद यादवलाई निर्देशन दिएका छन् ।<br><br>आज प्रधानमन्त्री निवास बालुवाटारमा भएको भेटमा स्थानीय तह निर्वाचनको मिति घोषणाको तयारीबारे छलफल भएको थियो ।<br><br>छलफलमा निर्वाचनको लागि तयार रहन भनेपनि प्रमुख आयुक्त यादवले चुनावसम्वन्धी विधेयकहरु नभएको बताएपछि प्रधानमन्त्री मौन बनेका थिए ।</p><p>आयुक्त यादवले विधेयकहरु पाउनासाथ आयोगले आफ्नो कामलाई त्रीव्र पार्ने बताएका छन् ।<br><br>प्रधानमन्त्री प्रचण्डले वैशाख अन्तिमसम्म चुनाव गर्ने तयारी भइरहेको भन्दै निर्वाचन भएरै छाड्ने बताए । तर संसदमा विवादास्पद संविधान संशोधन विधेयक पेश गरेर संसद अवरुद्ध पार्दै आएका प्रधानमन्त्रीले निर्वाचन विधेयक अघि बढाउने बारे भने केही बोलेनन् ।<br><br></p>