जिम्बावेका सिकन्दर बिराटनगरमा आबद्ध

भदौ १४, २०७८ मा प्रकाशित
Published at 2021-08-30

120 views

काठमाडौ । जिम्बाबवेका सिकन्दर राजा एभरेष्ट प्रिमियर लिग(ईपीएल) खेल्न बिराटनगर वरियर्समा आबद्ध हुनुभएको छ । बिराटनगरले आफ्नो पहिलो विदेशी खेलाडी भित्र्याउने क्रममा सिकन्दर राजासँग सम्झौता गरेको हो ।
बिराटनगरले सामाजिक सञ्जालमा सिकन्दर राजासँगको सम्झौताको पुष्टि गरेको छ । पाकिस्तानको सियालकोटमा जन्मिनुभएका ३५ वर्षीय सिकन्दर सन् २००२ मा बुवाआमासँगै जिम्बाबवे सर्नुभएको थियो । उहाँ दाहिने हाते ब्याट्सम्यान र दाहिने हाते अफ स्पिन बलिङ गर्नुहुन्छ ।
जिम्बाबवेका लागि १७ टेष्ट, १०५ अन्तर्राष्ट्रिय एकदिबसीय र ४२ टी ट्वान्टी अन्तर्राष्ट्रिय खेल्नुभएका सिकन्दरले अन्तर्राष्ट्रिय क्रिकेटमा चार शतक लगाउनुभएको छ । टी ट्वान्टीमा उहाँले १०६ को स्ट्राइक रेटले एक अद्र्धशतकसहित ५२४ रन बनाउनुका साथै १३ विकेट लिनुभएको छ । सन् २०१३ को सेप्टेम्बर महिनामा उहाँले पाकिस्तान बिरुद्ध अन्तर्राष्ट्रिय क्रिकेटमा पर्दापण गर्नुभएको छ ।
उहाँसँग पाकिस्तान सुपर लिग, क्यारेबियाली प्रिमियर लिगसहित दर्जनौं फ्रेञ्चाइज क्रिकेटमा खेलेको अनुभब छ ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.