चीनका प्रधानमन्त्रीले दिए प्रधानमन्त्री देउवालाई बधाई

साउन १३, २०७८ मा प्रकाशित
Published at 2021-07-28

189 views

काठमाडौँ । चीनका प्रधानमन्त्री ली खछयाङले नेपालका नयाँ प्रधानमन्त्री शेरबहादुर देउवासँग मिलेर काम गर्ने प्रतिबद्धता व्यक्त गरेका छन् ।

प्रधानमन्त्री देउवालाई सरकारको नेतृत्व गरेकोमा बधाई सन्देश दिँदै चिनियाँ प्रधानमन्त्री लीले दुवै देशबीच रणनीतिक साझेदारीलाई नयाँ उचाइमा पुर्‍याउने बताएका छन् । लीले त्यसको लागि आफ्नो समकक्षी देउवासँग मिलेर काम गर्न चीनले चाहेको पनि प्रष्ट पारेका छन् ।

नेपालका लागि चीनकी राजदूत होउ यान्छीले प्रधानमन्त्री लीले पठाएको सन्देशलाई ट्वीटमार्फत जानकारी दिएकी छन् । साथै, चिनियाँ समाचार एजेन्सी सिन्ह्वाले पनि उक्त समाचार बाहिर ल्याएको छ ।

उक्त समाचारमा चिनियाँ प्रधानमन्त्री लीले चीन र नेपाल हिमालय र नदीले जोडिएको तथा एउटा ढुंगामा रहेर एक अर्कालाई सहयोग गर्ने रहेको उल्लेख गरेका छन् । उनले देउवासँग महामारीको चुनौतीलाई पार गर्न र बेल्ट एन्ड रोड लाई संयुक्त रुपमा उच्च गुणस्तरका साथ बढाउनको काम गर्ने पनि बताएका छन् ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.