कांग्रेसले थप नौ जिल्लाको क्रियाशील सदस्यता विवाद टुङ्ग्यायो

भदौ ३०, २०७८ मा प्रकाशित
Published at 2021-09-15

102 views

काठमाडौँ । नेपाली कांग्रेसले थप नौ जिल्लाको क्रियाशील सदस्यता विवाद टुङ्ग्याएको छ । क्रियाशील सदस्यता विवाद देखिएका काभ्रे, सिन्धुपाल्चोक, मोरङ, महोत्तरी, बाजुरा, बर्दिया, पर्सा, कपिलवस्तु र कैलालीको विवाद टुंग्याएको हो ।

निर्वाचन समितिका अनुसार विवाद टुंगिएका जिल्लाको क्रियाशील सदस्यताको नामावली आजै सार्वजनिक गर्ने वा सबै जिल्लाको विवाद मिलेपछि एकै पटक सार्वजनिक गर्ने भन्ने बारे अहिले छलफल भइरहेको छ । विवाद देखिएका बाँकी ११ जिल्लामा पनि छिट्टै क्रियाशील सदस्यता टुङ्ग्याइने कार्यदलले जनाएको छ ।

कांग्रेसको अहिलेसम्म डडेल्धुरासहित ५७ जिल्लामा वडा अधिवेशन सम्पन्न गरिसकेको छ । वरिष्ठ नेता रामचन्द्र पौडेल समूहले डडेल्धुरामा सम्पन्न वडा अधिवेशनमा धाँधली भएको दाबी गर्दै अस्वीकार गर्ने बताएको छ । पौडेल पक्षले क्रियाशील सदस्यतामा पार्टी नेतृत्वले अनियमितता गरेकोसमेत आरोप लगाउँदै आएको छ । कांग्रेसको महाधिवेशन मंसिर ९ गतेदेखि १३ गतेसम्म काठमाण्डाैमा हुनेछ ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.