एमालेका अध्यक्षसहित ५८ जना जिल्ला सदस्य एकीकृत समाजवादीमा

भदौ १९, २०७८ मा प्रकाशित
Published at 2021-09-04

218 views

जुम्ला । नेकपा (एमाले) जुम्लाका ६१ जना जिल्ला सदस्यमध्ये अध्यक्षसहित ५८ जना नेकपा (एकीकृत समाजवादी) मा लागेका छन् । शनिबार पत्रकार सम्मेलन गरी उनीहरूले एकीकृत समाजवादीमा लागेको घोषणा गरेका हुन् ।

एमालेका जुम्ला अध्यक्ष तीर्थ बुढा, उपाध्यक्ष नन्दराम रोकाया, सचिव आदीप्रसाद न्यौपाने, उपसचिव राजबहादुर खत्री सहितका अन्य जिल्ला सदस्यहरूले एकीकृत समाजवादीमा गएको बताएका छन् ।

पत्रकार सम्मेलनमा कर्णाली प्रदेशसभा सांसद पदमबहादुर रोकायाले एमालेका अध्यक्ष केपी शर्मा ओलीको दम्भ र माधव नेपाललाई गरिएको तिरस्कारले आफूहरु एकीकृत समाजवादीमा लाग्न बाध्य भएको बताए ।

एमाले जुम्लाका उपाध्यक्ष नन्दराम रोकायाको अध्यक्षतामा गरिएको पत्रकार सम्मेलनमा सहभागीले आफूहरु एमाले छाडेर एकीकृत समाजवादीमा लागेको घोषणा गरिएको छ ।

‘अध्यक्ष तीर्थबहादुर बुढा उपचारको क्रममा काठमाडौं हुनुहुन्छ, एकीकृत समाजवादीमा उहाँको पूर्ण समर्थन रहेको छ,’ पत्रकार सम्मेलनमा उपाध्यक्ष रोकायाले भने ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.