शिर्ष नेता बैठक डाकेर राष्ट्रपतिले नसकेको बिवाद सभामुखले मिलाउन सक्लिन् त !

<p>३ पुस, काठमाडौं ।<br>राष्ट्रपति विद्यादेवी भण्डारीले दुई साता अघि डाकेको बैठकपछि दलहरुबिचको विवाद मिल्नुको साटो झन बढ्दो छ ।<br><br>उक्त बैठकमा काँग्रेस सभापती शेर बहादुर देउवाले एमाले अध्यक्ष केपी ओलिलाई हप्काएनन् मात्र तमलोपा अध्यक्ष रहेका महन्थ ठाकुरले देश टुक्राउने सम्मको अभिव्यक्ति दिंदा समेत कसैले केही प्रतिकार गरेनन् ।<br>फलत राष्ट्रपतिले डाकेको बैठकले उपलब्धि शुन्य हात पार्यो ।<br><br>अहिले फेरी सभामुद सभामुख ओनसरी घर्तीले प्रमुख तीन दलको बैठक आह्वान गर्दै दलहरुको बिवाद मिलाएर संसद खुलाउन प्रयास गरेकी छिन् ।<br><br>संसद बैठक स्थगित गरि हप्तौं बिदेश भ्रमणमा जाँदा चर्को आलोचना खेपेकी सभामुख घर्तीले डाकेको बैठकमा उनले माओवादी केन्द्रको बिल्लाबाट मुक्त भएर स्वतन्त्र सभामुखको भूमिका निभाउन सक्लिन् वा माओवादी पक्षमै सहमत गराएर खुलाउन प्रयास अबको संसद खुल्ने र अवरोध जारी रहने कुरा यसमै अड्कने देखिएको छ ।<br><br>भारतीय ईशारामा माओवादी केन्द्र र नेपाली काँग्रेसले संसदमा दर्ता गरेको विवादास्पद संविधान संशोधन विधेयक फिर्ता नगरेसम्म दलहरुबिचको विवाद मिल्ने देखिन्न ।<br><br>तर सोमबार बिहान एघार बजे कांग्रेस, एमाले र माओवादी केन्द्रका शीर्ष नेताहरुको संयुक्त बैठकमा यसले कस्तो रुप लिन्छ हेर्न बाँकी रहेको छ ।<br><br>स्मरणीय छ सरकारले दर्ता गराएको संविधान संशोधन प्रस्तावको विरोधमा प्रमुख प्रतिपक्षी दल नेकपा एमालेले संसद बैठक अबरुद्ध गर्दै आएको छ भने यसको देशभर व्यापक बिरोध र प्रदर्शन समेत भइरहेको छ ।<br><br>दलहरुबिच वार्ता र समस्या समाधान भन्दा पनि सरकारले सोमबारको संसद बैठकमा संशोधन प्रस्तावलाई कार्यसूचीमा राख्ने तयारी गरेको छ ।<br><br>लोकमानसिंह कार्की बिरुद्धको महाअभियोग प्रस्तावलाई त्यसै अलपत्र पारेको सरकारले एकाएक संविधान संशोधन विधेयक ल्याएर कार्की बिरुद्धको महाअभियोगलाई तुहाउने रणनीति बनाएको ठानिएको छ ।<br><br></p>