16.6¡ÆC
<p align="justify">८ असोज, धुञ्चे । सशस्त्र प्रहरी बल सीमा सुरक्षा गुल्म रसुवाबाट सरुवा भएका प्रहरी नायव उपरीक्षक दर्शन गिरीलाई रसुवावासीले २० किलोको माला लगाएर बिदाई गरेका छन् । <br>चीनसंग सीमा जोडिएको जिल्ला रसुवाको सुरक्षा व्यवस्था मजबुद बनाउदै आएको सीमा सुरक्षा गुल्म रसुवाको गुल्मपति गिरीलाई रसुवावासीको प्रतिनिधित्व गर्दै सांसद छोबाङ तामाङले २० किलोको सयपत्री फूलको माला लगाएर बिदाई गरेका छन् । <br> १३ महिनाको रसुवा बसाईमा डिएसपी गिरीले जिल्लाको शान्ति सुरक्षा र सीमा सुरक्षामा प्रभावकारी काम गरेको भन्दै नागरिक अभिनन्दन गरिएको छ । रसुवा जिल्लामा सुरक्षा मजबुद सहित नागरिकहरुलाई सामाजिक कार्यमा उत्प्रेरणा जगाउदै सरसफाई, स्वास्थ्य शिविर, समुदायमा सकारात्मक गतिविधि सञ्चलान गरेको भन्दै भव्य बिदाई गरिएको हो । प्रहरी नायव उपरीक्षक गिरीले गएको वर्ष भारत सरकारले लगाएको नाकाबन्दीको क्रममा चीनसंग नाका सञ्चालन गर्न पु¥याएको सुरक्षा सतर्कता र मुख्य गोसाईकुण्ड जान नसक्ने तिर्थयात्रीहरुको लागी निर्माण गरेको “सानो गोसाईकुण्ड” निर्माणले रसुवावासीमा सशस्त्र प्रहरी प्रतिको साकारत्मक धारणा सहित सहयोगात्मक सम्बन्धलाई समेत उचाईमा पु¥याएको सांसद तामाङले बताउनुभएको छ । <br> १३ महिना अघि रसुवा आउनुभएका गिरीलाई गृह मन्त्रालयले गएको भदौ ३१ गते सीमा सुरक्षा बल रुपन्देहीमा सरुवा गरेको थियो । <br><br><br></p>
