पर्वतमा सबैभन्दा बढि अपराध

<p>६ असोज, कुश्मा ।<br>धौलागिरी अञ्चलका चार जिल्ला मध्ये सबैभन्दा बढि अपराधका घटना पर्वत जिल्लामा हुने गरेको छ । अञ्चलका पर्वत लगायत म्यादी, मुस्ताङ र बागलुङ मध्ये पर्वत जिल्लामा धेरै अपराध हुने गरेका छन् ।</p><p>अञ्चल प्रहरी कार्यालय बागलुङले दिएको जानकारी अनुसार पर्वतमा गत आथिृक बर्ष २०७२/७३ मा १ सय ६८ विभिन्न घटना सम्वन्धि मुद्धा जिल्ला प्रहरी कार्यालमा दर्ता भएका छन् । जसमा १ सय ८ मुद्धा प्रहरीले फछ्र्यौट गरेको छ भने ६० मुद्धा चालु आर्थिक बर्षमा कार्बाहीका लागि लगत सरेर आएका छन् ।</p><p>उक्त मुद्धा उपर कारवाही प्रक्रिया जारी रहेको जिल्ला प्रहरी कार्यालय पर्वतले जनाएको छ । त्यस्तै बागलुङमा १ सय ६० मुद्धा अघिल्लो बर्षमा नै फछ्यौृट भएका छन भने ५७ मुद्धा बाँकी रहेका छन् । म्यादी जिल्लामा दर्ता भएका १ सय २२ मुद्धा मध्ये ६८ मुद्धा फछ्यौट भएका छन् भने ४५ मुद्धा चालु बर्षमा कार्वाहीको प्रक्रियामा रहेका छन् ।</p><p>हिमालपारीको जिल्ला मुस्ताङमा समेत गत आथिृक बर्षमा २० अपराधिक घटनाका मुद्धाहरु जिल्ला प्रहरी कार्यालय मुस्ताङमा दर्ता भएको तथ्याङ्करहेको छ ।</p><p>दर्ता भएको मुद्धा मध्ये ४ वटा मुद्धामा मात्रै प्रहरीले कार्वाही प्रत्रिया सम्पन्न गरेको छ भने अन्य १६ मुद्धा चालु बर्षका लागि जिम्मेवारी थपिएको अञ्चल प्रहरी कार्यालय बागलुङका प्रहरी सहायक निरिक्षक जितवहादुर कार्कीले जानकारी दिए ।</p><p>धौलागिरिका यी ४ जिल्लामा विशेषत सार्वजानिक अपराध,महिला हिँसाका घटनाहरु ब्ढि रहेको अञ्चल प्रहरी कार्यालय बागलुङले जनाएको छ ।<br></p>