प्रधानमन्त्रीसँग नर्वेजियन राजदूत राजदुत भेट

<p>६ असोज, काठमाडौं ।<br>प्रधानमन्त्री पुष्पकमल दाहाल प्रचण्डले संविधानको कार्यान्वयन, भूकम्पको पूनर्निर्माण र समृद्धिका लागि द्रुत गतिमा काम भैरहेको बताएका छन् ।<br><br>प्रधानमन्त्रीे कार्यालय सिंहदरबारमा प्रधानमन्त्री दाहालसँग नेपालका लागि नर्वेजियन राजदूत क्याजेल टोर्मोड पेट्टेर्सेनले गरेको भेटमा प्रधानमन्त्री दाहालले संविधान निर्माण पछी यसको कार्यान्वयन गर्दै नेपालमा शान्ति प्रक्रिया मौलिक रुपमा सम्पन्न हुन लागेको बताए ।<br><br>प्रधानमन्त्री दाहालले नेपालको अर्थिक विकास र समृद्धिका लागि नर्वेको सहयोग महत्वपूर्ण रहेको र निरन्तर सहयोग रहने विश्वास पनि व्यक्त गरेको प्रधानमन्त्री दाहालको सचिलवालयले जनाएको छ ।<br><br>भेटमा नर्भेजियन राजदूत क्याजेलले नेपालको भौतिक विकास र समृद्धिका लागि नर्वेको सहयोग जारी रहने बताए ।<br><br>यसैगरी प्रधानमन्त्री पुष्पकमल दाहाल प्रचण्डसँग विश्व बैंकका नेपाल, भुटान र बंगलादेशका कन्ट्री डाइरेक्टर क्युमियो क्यूमियोले पनि आजै भेट गरेका छन् ।<br><br>प्रधानमन्त्री तथा मन्त्रीपरिषदको कार्यालय सिंहदरबारमा भएको भेटमा प्रधानमन्त्री दाहालले उच्च शिक्षा, भौतिक पूर्वाधार, स्वास्थ्य र भूकम्पको पूनर्निर्माणका क्षेत्रमा विश्व बैंकसँग साझेदारी गर्न नेपाल ईच्छुक रहेको बताए ।<br><br>प्रधानमन्त्री दाहालले नेपालको भौतिक र मानवीय विकासका ‘विश्व बैंकले गरेको सहयोगका लागि धन्यवाद दिंदै भूकम्प पछीको पूनर्निर्माण सम्बन्धि विश्व बैंकको नीतिमा सहजीकरण गरी नेपाल सरकारको पूर्वाधार विकासको नीतिअनकूल बनाउन पनि फ्यानसँग आग्रह गरे ।<br><br>भेटमा विश्व बैंकका कन्ट्री डाइरेक्टर फ्यानले नेपालको उर्जा, जलविद्युत, ट्रान्समिसन लाइन, सेलार लगायतका क्षेत्रमा विश्व बैंकको सहयोग रहने जानकारी दिएको प्रधानमन्त्रीको सचिवलयले जनाएको छ ।<br></p>