एउटा रुद्राक्षको मूल्य १६ लाख

<p>२३ भदौ, खाँदवारी ।<br><br>संखुवासभा र भोजपुरबाट यसै साता तीनवटा बहुमूल्य रुद्राक्ष ४३ लाख रुपैयाँमा बिक्री भएको छ।<br><br>यो हालसम्मकै उच्च मूल्य हो। रुद्राक्ष व्यवसायी संघका अध्यक्ष विपिन राईले यो वर्ष धेरै मुख भएका महँगा दाना तीनवटा बजारमा आएको र अन्य केही गुपचुपमा खरिदबिक्री भएको जानकारी दिए, आजको अन्नपूर्णमा खबर छापिएको छ।<br><br>धुपुको ज्यामिरेमा उत्पादन भएका २१ मुखे रुद्राक्ष् व्यपारी सुजन राई, नरेन्द्र राईलगायतले १६ लाखमा खरिद गरेका हुन्।<br><br>षडानन्द नगरपालिका केउरेनीपानीमा उत्पादन भएको २१ मुखे रुद्राक्ष व्यपारी नीलमणि न्यौपाने लगायतले १५ लाख ५० हजारमा खरिद गरेका छन्।<br><br>यसैगरी यसै साता भोजपुरको फलिकोटमा उत्पादन भएको २१ मुखे रुद्राक्ष सानो आकारको भएको भन्दै १२ लाख रुपैयाँमा खरिद भएको व्यापारी चित्र श्रेष्ठले बताए।<br><br><br><br></p>