चितवनमा मदिरा पिएर सवारी चलाउने २२ सय १० जनाबाट २२ लाख जरिवाना

<p>३ भदौ, चितवन ।<br>जिल्लामा गत आव २०७२/७३ मा चितवन जिल्लामा मादक पदार्थ सेवन गरी सवारी चलाउने दुई हजार २१० जना कारबाहीमा परेका छन् । <br><br>मापसे गर्नेबाट रु २२ लाख २२ हजार राजस्व सङ्कलन गरिएको छ । दुर्घटनामा कमी नआए पनि दुर्घटनाका कारण ज्यान गुमाउनेको सङ्ख्यामा भने कमी आएको छ ।</p><p>आव २०७१/७२ मा मादक पदार्थ सेवन गरेका एक हजार १६८ जनालाई कारबाही गरी रु ११ लाख ६८ हजार राजस्व सङ्कलन गरिएको थियो । <br><br>आव २०७१/७२ मा अधिकांश मोटरसाइकल चालकको मात्रै मापसे चेकजाँच गरिएको थियो भने आव २०७२/७३ मा मोटरसाइकलसहित कार, जिपलगायतका सबै प्रकारका सवारीमा मापसे चेकजाँच गरिएको थियो ।</p><p>गत आवमा एक हजार ८७४ मोटरसाइकल चालक र २३५ अन्य सवारी चालकलाई चेकजाँच गरिएको थियो । अघिल्लो आवमा एक हजार चारवटा मोटरसाइकल र ७९ वटा अन्य सवारीमा मापसे चेकजाँच गरिएको थियो ।<br><br>जिल्ला ट्राफिक प्रहरी कार्यालयका अनुसार आव २०७२/७३ मा २३० वटा दुर्घटना हुँदा ७५ जनाको मृत्यु भएको थियो भने ११४ जना गम्भीर घाइते भएका प्रहरी निरीक्षक राजन भेटवालले जानकारी दिनुभयो ।</p><p>अघिल्लो आवमा १९६ वटा दुर्घटनामा ८३ जनाको मृत्यु भएको थियो भने ११६ जना घाइते भएका थिए । <br></p>