भदौ ४ गतेबाट नगदेशमा महाकाली नाच देखाइने

<p>२ भदौ, भक्तपुर । <br>मध्यपुर थिमिको नगदेशमा यसवर्ष महाकाली नाच प्रर्दशन हुने भएको छ । आर्थिक अभावका कारण विगत सात वर्षअघि बन्द भएको यो नाच युवाहरु कै सक्रियतामा यसवर्षदेखि पुनः प्रदर्शन गरिने भएको हो ।</p><p>विसं. २०६६ सालदेखि यो नाच बन्द भएको यो नाच परम्परा अनुसार यही भदौ ४ गतेदेखि अर्थात गाईजात्राको भोलिपल्टदेखि चारदिनसम्म हरेक दिन बेलुकी नगदेशको विभिन्न स्थानमा प्रदर्शन गरिनेभएको नगदेश सांस्कृतिक पुचःका सचिव विनोद कोजुले बताउनुभयो </p><p>मल्लकालिन नाचका रुपमा रहेको महाकाली नाचमा प्रदर्शनीका लागि करिब आठदेखि १० लाख रुपैया खर्च हुने र उक्त रकम कुनै पनि निकायले उपलब्ध गराउन नसके पछि विगत सात वर्षदेखि बन्द भएको उहाँले बताउनुभयो ।</p><p>महाकाली नाच प्रदर्शनका कारण यस क्षेत्रमा भूत, प्रेत, पिशाच, जल्, अग्नि वायु, भूकम्प, चट्याङ्भय, चोरको भय नहुने जनविश्वास रहेको छ । यो नाचको सुरुवात र समापनमा विशेष पूजाआजा गरिन्छ । <br><br><br></p>