14.67¡ÆC
नुवाकोट । बागमती प्रदेशको प्राविधिक शिक्षा तथा व्यावसायिक तालिम परिषद् (सिटिइभिटी) को प्रमुख कार्यकारी निर्देशकमा नुवाकोटको डा.शान्ति लामा नियुक्त हुनुभएको छ ।
(सिटिइभिटी) को प्रमुख कार्यकारी निर्देशकको लागी खुला प्रतिस्पर्धामा डा.लामा छनोट हुनुभएको हो । प्रदेश सरकारले खुल्ला प्रतिस्पर्धा मार्फत् प्रमुख कार्यकारी निर्देशकका लागि लिएको परीक्षा तथा क्षमता र दक्षताको आधारमा नुवाकोटको म्यागङ गाँउपालिका–४ किम्ताङ निवासी डा.लामा लाई बिहीबार बसेको मन्त्रिपरिषद बैठकले छनोट (नियुक्त) गरेको हो ।
प्रदेशको सामाजिक विकास मन्त्रालयले दर्खास्त आह्वान गरी परिक्षा तथा अन्तरवार्ता मार्फत नियुक्तिका लागि सिफारिस भएका ३ जना उम्मेदवार मध्ये उहाँ सिफारिसमा पर्नुभएको हो । यसअघि नुवाकोटको म्यागङ गाँउपालिकाको उपाध्यक्षको जिम्मेवारी पूरा गरिसक्नुभएका उहाँ पिएचडी उर्तिण विद्धान (डाक्टर) उपाधि हासिल गरिसक्नुभएकाले पनि अन्य उम्मेदवारलाई पछि पादै प्रमुख कार्यकारी निर्देशकमा छनोट हुन सहजै सफलता मिलेको हो ।
खुला प्रतिस्पर्धा मार्फत प्रमुख कार्यकारी निर्देशक छनोट :
मन्त्रालयका सचिव बद्रीनाथ गैरेको संयोजकत्वमा रहेको प्रमुख कार्यकारी निर्देशक छनोट तथा सिफारिस समितिले प्रमुख कार्यकारी निर्देशकका लागि ३ जना उम्मेदवारको नाम सिफारिस गरेको थियो ।
समितिको सिफारिस अनुसार प्रदेश सरकारको आगामी मन्त्रिपरिषद बैठकले प्रमुख कार्यकारी नियुक्त गर्ने तयारी गरिएको प्राविधिक तथा व्यवसायिक शिक्षा एवम् तालिम परिषद्ले जनाएको छ । उक्त पदमा ७ जनाको दर्खास्त परेकोमा सिफारिस समितिले ५ जनाको नाम सर्टलिष्टमा गरेको थियो । सर्टलिष्टमा परेका ५ उम्मेदवारको गत पुस १ मा अन्तरवार्ता भएको थियो । उक्त अन्तवार्ताको नतिजा अनुसार प्रमुख कार्यकारी निर्देशक पदका लागि ३ जनामा उहाँ सफल उम्मेदवार बन्नुभएको हो ।
सिफारिस समिति उहाँ सहित मध्यपुर ठिमी नगरपालिका–९ का बद्रीप्रसाद दहाल र भरतपुर–१०, चितवनका ईश्वरचन्द्र पौड्यालको नाम सिफारिस गरेको थियो । अन्तरवार्तामा छनोट भएका मध्ये भरतपुर–१, चितवनका रमेश रिमाल र मन्थली, रामेछापका नविनराज दाहाल अनुर्तिण भएसगैँ तीन जनाको नाम सिफारिसमा परेको थियो ।
