25.43¡ÆC
काठमाडौँ । सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले आफ्नो प्रतिवेदन प्रतिनिधिसभामा पेश गरेको छ ।
समितिका सभापति सूर्यबहादुर थापा क्षेत्रीले ‘सहकारी संस्था बचत रकम दुरुपयोग सम्बन्धमा संसदीय छानबिन विशेष समितिको प्रतिवेदन २०८१’ पेस पेश गर्नुभएको हो । संसदमा प्रतिवेदन पेश गर्नुअघि समितिले प्रतिवेदनलाई सर्वसम्मतिले पारित गरेको छ । प्रतिवेदनमा कसैले पनि फरक मत राखेका छैन ।
सहकारीको रकम हिनामिनाको अध्ययन अनुसन्धान गर्न गएको जेठ १५ गते समिति गठन भएको थियो । समितिले १४ वटा बैठकमा चार सय जनाभन्दा धेरै व्यक्तिसँग सोधपुछ र सहकारी ठगीसँग सम्बन्धित विषयको अध्ययन गरेर प्रतिवेदन तयार पारेको सभापति सूर्यबहादुर थापाले जानकारी दिनुभयो ।
सहकारीको रकम हिनामिना गरेको आरोप लागेका राष्ट्रिय स्वतन्त्र पार्टीका सभापति रवि लामिछानेबारे समितिको प्रतिवेदनमा के छ भन्ने विषय अझै बाहिरिएको छैन ।
