सामाजिक अभियन्ता गोविन्द केसी स्वास्थ्य क्षेत्र सुधार माग गर्दै अनशनमा

<p>२६ असार, काठमाडौं ।<br>चकित्सा शिक्षामा सुधारको चार बुदेँ माग राख्दै चिकित्सा शास्त्र अध्ययन संस्थान 'आइओएम' का प्राध्यापक डा गोविन्द केसीले आजबाट पुन आठौँ पटक अनशन सुरु गर्नुभएको छ ।</p><p>सरकारले पटकपटक आफुले उठाएका माग पुरा गर्नेबारे सम्झौता गरेपनि त्यसलाई कार्यान्वयन नगरेको भन्दै शिक्षण अस्पतालमै पुन आमरण अनशन सुरु गरेको घोषणा गर्नुभएको हो ।</p><p>आइतबार पौने पाँच बजेदेखी अनशन सुरु गरेका केसीले अनशन सुरु गर्नुअघि पत्रकार सम्मेलन गर्दै स्वास्थ्य&nbsp; र चिकित्सा शिक्षाको क्षेत्रमा बदमासी गर्नेहरु पुरस्कृत हुने र सही काम गर्नेहरु हतोत्साहित भइरहेकोले यसलाई तत्काल सुधार्नु पर्ने वताउनुभयो ।’’</p><p>अनशन बस्नु अघि डा केसीले सरकारलाई चारबुँदे माग राख्दै दुई साताको अल्टिमेटम दिएको थियो ।</p><p>प्रधानमन्त्री केपी शर्मा ओलीले आज बार्ताका लागि बोलाएपनि डा। केसीले सरकार गम्भिर नभएको भन्दै वार्ता भन्दै आफु नगई सहयोगीलाई वार्तामा पठाउनुभएको थियो ।</p><p>वार्तामा उहाँका सहयोगी डा जीवन क्षेत्रीलगायत अन्य दुई चिकित्सक र अन्य दुई विद्यार्थी बालुवाटार पुग्नुभएको थियो ।</p><p>वार्तामा प्रधानमन्त्रीले विस्तारै पुरा गर्ने आश्वासन दिदैँ अनशनमा नबस्न आग्रह गर्नुभएको डा क्षेत्रीले जानकारी दिनुभयो ।</p><p>चिकित्सा शिक्षा ऐनको मस्यौदामा रहेका सबै सरकारी मेडिकल शिक्षण संस्थाहरूको आर्थिक भार सरकारले बेहोर्दै तिनमा सबै सिट निशूल्क गर्नुपर्ने, सबै प्रदेशमा कम्तीमा एउटा सरकारी मेडिकल कलेज हुनुपर्ने,&nbsp; काठमाडौं उपत्यकामा आउँदो १० वर्षसम्म मेडिकल, डेन्टल र नर्सिङमा नयाँ सम्बन्धन नदिने र मनसायपत्र पाएकाहरूको मनसायपत्र नवीकरण रोक्नुपर्ने माग अघि सार्नुभएको छ ।<br></p>