एसएलसी दिएका बिद्यार्थीको भर्ना हुने मापदण्ड फेरियो,‘डी प्लस’ ल्याउनेलाई नयाँ अवसर

<p><span style="line-height: 1.42857143;">भक्तपुर, असार २४ । प्राविधिक शिक्षा तथा व्यावसायिक तालिम परिषद् (सिटिइभिटी)ले एसएलसी उत्तीर्ण विद्यार्थीलाई प्राविधिक विषयमा भर्ना हुन मापदण्ड परिवर्तन गरेको छ । &nbsp;सिटिइभिटी राष्ट्रिय पाठ्यक्रम बोर्डको आज बसेको बैठकले भर्ना मापदण्ड परिवर्तन गरीे प्राविधिक विषयको डिप्लोमा कोर्समा भर्ना हुन यसअघि तोकेको मापदण्ड परिवर्तन गरेको हो । &nbsp;परिवर्तन गरेको मापदण्ड अनुसार &nbsp;एसएलसी परीक्षामा अंग्रेजी, गणित र विज्ञानमा डी प्लस ल्याउनेले समेत डिप्लोमा कोर्समा भर्ना हुन पाउने छन् ।&nbsp;</span><br></p><p><br></p><p>यसअघि डिप्लोमा तहको सबै विषय अध्ययनको लागि अंग्रेजी, गणित र विज्ञान बिषयमा सी ग्रेड ल्याएको हुनुपर्ने व्यबस्था थियो । सिटिइभिटीले स्वास्थ्य बिषयको डिप्लोमा कोर्सको लागि जीपीए कम्तीमा २, अंग्रेजी, गणित र विज्ञानमा सी ल्याएको हुनुपर्ने व्यबस्था भने यथावत राखेको छ ।&nbsp;</p><p><br></p><p>इन्जिनियरिङतर्फ डिप्लोमा पढ्न अंग्रेजीमा डी प्लस, विज्ञान र गणितमा सी भए पुग्ने निर्णय गरेको सिटिइभिटीका सदस्य सचिव डा. रामहरि लामिछानेले जानकारी दिनुभयो । कृषि र वनमा डिप्लोमा कोर्स पढ्नको लागि अंग्रेजी, गणित र विज्ञानमध्ये दुई वटामा सी र एउटामा डी प्लस भएपनि भर्ना हुन पाउने छन् ।</p><p><br></p><p>यस्तै होटल म्यानेजमेन्ट, उद्यमशीलता विकास र सोसल वर्कजस्ता बिषयमा डिप्लोमा कोर्सको लागि अंग्रेजी, गणित र विज्ञानमा डी प्लस भए पनि भर्ना हुन पाइने व्यबस्था छ ।</p>