24.12¡ÆC
त्रिशूली । ‘नुवाकोट जिल्ला अन्तर पालिकास्तरीय प्रथम तादी अध्यक्ष कप भलिबल प्रतियोगिता’को उपाधि म्यागङ गाँउपालिकाले जितेको छ ।
शनिबार भएको फाइनलमा २–१ को सोझो सेटमा आयोजक तादीलाई म्यागङ गाँउपालिकाले हराएको हो । प्रतियोगितामा पञ्चकन्या गाँउपालिका तेश्रो भएको छ ।
प्रतियोगितामा प्रथम भएको म्यागङले एक लाख ५० हजार रुपैयाँ, दोश्रो भएको तादीले एक लाख रुपैयाँ र तेश्रो भएको पञ्चकन्याले ५० हजार रुपैयाँ नगद सहित शिल्ड, मेडल र प्रमाणपत्र कार्यक्रमको प्रमुख अतिथी पूर्व खेलकुद मन्त्री तथा प्रतिनिधिसभा सदस्य हितबहादुर तामाङले प्रदान गर्नुभयो ।
उहाँले प्रतियोगिता सञ्चालन गरिएको अमरज्योती माध्यामिक विद्यालय खरानीटारको खेल मैदानलाई क्षेत्रीयस्तरको रङ्गशाला निर्माणको लागी सहयोगको प्रतिबद्धता जनाउनुभएको छ ।
खेल मार्फत विकास, अनुशासन र गतिशिलता दिन सुरु भएको भलिबल प्रतियोगिताको आगामी वर्षहरुमा थप निरन्तरता दिदै महिला र पुरुष दुवैको सहभागिता गराउन आयोजक तादी गाँउपालिकाको अध्यक्ष सन्तमान तामाङले जानकारी दिनुभएको छ ।
यही माघ १८ गतेदेखि सुरु भएको प्रतियोगितामा जिल्लाको बाह्र पालिकाबाट तेह्र समूहको सहभागिता रहेको थियो ।
