गरिब नेपालीलाई मदिरा र सुर्तीजन्य पदार्थ, ठूलालाई विलासी वस्तु

<p>७ असार, काठमाडौं ।</p><p>गरिब र धनीले गर्ने खर्च संरचनामा ठूलो असमानता रहेको पाइएको छ ।<br><br>गरिबका खर्चको अधिकांश हिस्सा खाद्यान्नमा उपयोग हुन्छ भने धनीले विलासी बस्तु तथा सेवामा बढी खर्च गर्ने गरेको एक अध्ययनले देखाएको छ ।<br><br>नेपाल राष्ट्रबैंकले हालै सार्वजनिक गरेको पाँचौ घरपरिवार सर्वेक्षणअनुसार सबैभन्दा गरिब २० प्रतिशतले खाद्यान्न तथा पेय पदार्थमा ५६.८४ प्रतिशत र माथिल्ला धनी २० प्रतिशतले खाद्यान्न तथा पेय पदार्थमा ३२.८६ प्रतिशत मात्रै उपयोग गरेको देखाएको आजको कारोबार दैनिकमा समाचार छ ।<br><br>सर्वेक्षणअनुसार गरिबले खाद्यान्न तथा गैरमदिराजन्य पेय, मदिराजन्य तथा सुर्तिजन्य र आवास तथा उपयोगिताका बस्तु बढी प्रयोग गरेको देखिएको छ ।<br><br>खाद्यान्न तथा पेय र आवासबाहेक सबै वस्तु तथा सेवा धनीहरुले बढी प्रयोग गर्नेगरेको अध्ययनको निष्कर्ष छ ।&nbsp; राष्ट्र बैंकले पाँच समूह बनाई कुन समूहले कस्ता वस्तु तथा सेवामा कति खर्च गर्छन् भनेर अध्ययन गरेको छ ।<br><br>अध्ययनमा धनी बढेसँगै विलासी तथा खाद्यान्यवाहेक अत्यावशयक सेवामा पनि उनीहरुको खर्चको रकम बढेको देखाएको छ ।&nbsp; जनस्वास्थ्यमा हानिकारक मानिएका मदिरा तथा सुर्तीजन्य पदार्थमा पनि गरिबले नै बढी खर्चने गरेको पाइएको छ ।<br><br>सबैभन्दा गरिब २० प्रतिशतले मदिरा तथा सुर्तीमा २।१५ प्रतिशत खर्च गर्छन् भने माथिल्ला धनी २० प्रतिशतले ०।८६ मात्रै यसमा खर्च गर्ने गरेका छन् ।<br><br></p>