15.12¡ÆC
<p>५ असार, काठमाडौं ।<br>विशालबजारमा सुन कारोबारी सञ्जय पाण्डेको पाँच किलो सुन लुटेको आरोपमा प्रहरी नायब निरीक्षक विजयप्रताप साह पक्राउ परे पनि उनको संलग्नता पुष्टिको बलियो प्रमाण फेला परेन। प्रहरीको केन्द्रीय अनुसन्धान ब्युरो सिआईबीले साहको मोबाइल जाँचका क्रममा त्यसमा अटो कल रेकर्ड एप्स फेला पार्यो ।</p><p>त्यसपछि साहको आवाजको नमुना लिएर सुन लुट्ने योजनाको अडियो क्लिप ‘भ्वाइस इस्पेक्ट्रअ एनालाइजर’मार्फत परीक्षण गर्दा आवाज साहकै भएको पुष्टि भयो।<br> <br>पक्राउ परेका अन्य आरोपीको बयानसँगै आवाज परीक्षणको प्रमाणले उनी पुर्पक्षका लागि थुनामा गए। साह प्रहरी अपराध महाशाखामा कार्यरत थिए।<br> <br>साहमाथिको अनुसन्धान प्रहरीले सुरु गरेको आधुनिक प्रविधिमा आधारित अनुसन्धानको प्रमावकारिताको सफल नतिजामध्ये एक हो। प्रहरीले गम्भीर प्रकृतिका ५० बढी घटनाको अनुसन्धानमा ध्वाइस इस्पेक्ट्रअ एनालाइजरको प्रयोग गरेको छ भने हजार बढीको पोलिग्राफ परीक्षण गरेको छ ।</p><p>भ्वाइस एनालाइजरको परीक्षण जनकपुर बम काण्डको अभियुक्तबाट सुरु भएको थियो। घटनामा सञ्जय साहको संलग्नताको आशंका भए पनि प्रमाणका आधारमा प्रहरीले उनलाई अनुसन्धानको दायरामा ल्याउन सकेको थिएन । उनी पनि एनालाइजरकै फन्दामा परेका थिए। <br><br><br></p>
