19.12¡ÆC
जनकपुरधाम । जिल्ला प्रशासन कार्यालय धनुषाको सेवालाई प्रभावकारी, छिटो छरितो तथा पारदर्शी किसिमले सम्पादन गर्नका लागि धनुषाका प्रमुख जिल्ला अधिकारी बन्धुप्रसाद बास्तोलाले कार्यसम्पादन सम्झौता गर्नुभएको छ ।
जिल्ला प्रशासन कार्यालय धनुषाको सहायक प्रमुख जिल्ला अधिकारी देखि शाखा अधिकृतसम्मका कर्मचारीहरुसंग कार्यसम्पादन सम्झौता गर्नुभएको हो ।
जिल्ला प्रशासन कार्यालय धनुषाको सेवाप्रति बढेको गुनासो कम गर्नका लागि सम्झौता गरिएको प्रमुख जिल्ला अधिकारी बास्तोलाले जानकारी दिनुभयो ।
यस सम्झौता अनुसार कार्यसम्पादन नभएको खण्डमा सम्बन्धित अधिकृतमाथि कारबाही गर्न सकिने भएकाले जिल्ला प्रशासन कार्यालय धनुषाको सेवा प्रभावकारी हुने विश्वास गरिएको छ ।
