महिनावारी हुँदा देवताको डर

<p>१ असार, मुगु ।<br>ग्रामीण भेगका अशिक्षित महिला मात्रै होइन जाने बुझेका महिला पनि देवीदेवताको डरले महिनावारी भएका बखत घरभित्र नबसी गोठमै बस्ने गरेका छन्। अन्नपूर्ण पोस्टमा समाचार छ। <br>&nbsp;<br>महिनावारी भएका बेला घरभित्र बसे कुल देवताले आफूलगायत सन्तानलाई दुःख दिने भन्दै महिलाहरु परम्परागत रुपमै पाँचदेखि सात दिनसम्म गोठमा बस्ने गरेका छन् ।</p><p>शिक्षित र बुझेका महिलासमेत सदरमुकाममै घरभित्र बस्न मान्दैनन्। उनीहरुसमेत तीनदेखि पाँच दिनसम्म भान्सा र पानीसमेत नछोई बाहिरै बस्ने गरेका छन्। <br>&nbsp;<br>महिला हिंसाको मुख्य कारक यहाँका महिलामा रहेको छाउपडी प्रथा भएकाले यसको उन्मूलनका लागि महिला तथा बालबालिका कार्यालयले अभियान नै चलाएको छ।<br>&nbsp;<br>जिल्लाका २४ गाविसमध्ये ६ गाविसहरु कार्कीबाडा, पिना, रोवा, रुगा, रारा र सेरीमा हिमाली ग्रामीण युवा समाज केन्द्र नामक संस्थाले छाउपडी सम्बन्धी चेतनामुलक कार्यक्रम सञ्चालन गरेको छ।<br>&nbsp;<br>केही बुझेका घरका पुरुषले महिनावारी भएका बेला सरसफाइ गरेर घरभित्र बस्न भने पनि महिलाहरु नै देवीदेवताको डरले महिनावारी भएका बेला घरबाहिर बस्ने गरेका छन्। <br><br><br><br></p>