चामेको नयाँबजारमा बाढी पस्यो, बस्ती जोखिममा (फोटो फिचर)

<p><b>मनाङ । हिमाली जिल्ला मनाङको चामे क्षेत्रमा बाढी आउँदा वस्ती जोखिममा परेको छ । तीन दिनदेखि निरन्तर परेको पानीका कारण चामेको नयाँबजारमा बाढी पसेको हो । चामे घट्टे खोला र ठाडोलाइन खोलाबाट आएको बाढीले वस्ति जोखिममा परेको स्थानीयले बताएका छन् । स्थानीय पाल्साङ गुरुङका अनुसार उक्त ठाउँमा हालसम्मकै ठूलो बाढी आएको हो । बजार क्षेत्रभित्र बाढी पसेर सडक क्षतविक्षत बनाएको छ । केही घरको जग लगेको छ । बिजुलीका पोलहरु लगेको छ । कुखुराका खोरहरु पनि बगाएको उहाँले बताउनुभयो ।<br></b></p><p><b>प्रमुख जिल्ला अधिकारी विष्णु लामिछानेका अनुसार चामेको नयाँबजारमा रहेको घट्टेखोलाबाट आएको बाढीले वस्ती जोखिममा पारेको छ । शुक्रबार दिउँसो ३ बजे एक्कासि बाढी पसेको प्रमुख जिल्ला अधिकारी विष्णु लामिछानेले बताउनुभयो । उहाँका अनुसार तीन दिनसम्म पानी निरन्तर परिरहँदा घट्टेखोबाट बाढी पसेको हो ।</b></p><p><b>दुईवटा पक्की घरहरु उच्च जोखिममा रहेको उहाँले बताउनुभयो । केही छाप्रोहरु पनि जोखिममा परेको छ । बजारमै रहेको पक्की पुलको वरिपरिको भाग बगाएको छ ।</b></p><p><b>प्रहरी नायव उपरीक्षक सुवास खड्काका अनुसार घट्टेखोला माथिबाट आएको बाढीले वस्ती जोखिममा परेको हो । एउटा होटल र एउटा घरको जग पानीले लगेको छ । भत्किने अवस्थामा रहेको बताउनुभयो । यस्तै, ट्रस हालेर बनाइएको एक÷एक वटा मासुपसल, कस्मेटिक पसल पनि जोखिम अवस्थामा रहेको छ । ति जोखिम घरहरुको व्यक्तिलाई स्थानान्तरण गरिएको छ । सामानहरु पनि सारिएको छ । पानी परिरहेकाले जोखिम बढ्ने भन्दै वस्तीका नागरिकलाई स्थानान्तरण गर्न थालेको बताउनुभयो ।</b></p><p><b>चामे गाउँपालिकाका अध्यक्ष लोकेन्द्रबहादुर घलेका अनुसार दिउँसो एक्कासि खोला बढेर आउँदा बजार क्षेत्रमा बाढी पसेको हो । दिउँसोको समयमा बाढी आएकाले स्थानीय भाग्न सफल भएका छन् । घरहरुमा क्षति भएपनि मानवीय क्षति नभएको उहाँले बताउनुभयो । पानी परिरहेमा अन्य घरहरु पनि जोखिममा पर्न सक्ने अवस्था रहेको बताउनुभयो ।</b></p><p><b>निरन्तर पानी परिरहेकाले गाउँपालिकाले जोखिम बढ्ने भन्दै गाउँपालिका क्षेत्रभित्र बसोबास गर्ने नागरिकलाई सुरक्षित ठाउँमा रहन अनुरोध गरेको छ । बसोबास र खानपानमा समस्या भएका गाउँपालिकाको विपद् व्यवस्थापन समितिलाई सम्पर्क गर्न अनुरोध गरेको छ । स्थानीयलाई स्थानान्तरणका लागि नेपाल प्रहरी, शसस्त्र प्रहरी खटिएका छन् ।</b></p><p><img src="https://topnepalnews.comuploads/posts/53fe6b1f94587d326b950c65174245c91622250539.jpg" style="width: 1157px;"><b><br></b></p><p><img src="https://topnepalnews.comuploads/posts/a15b033c63a9a1b40d274d28018d0b241622250546.jpg" style="width: 1157px;"><b><br></b></p><p><img src="https://topnepalnews.comuploads/posts/424df7b5375b3f13dcd6e5031b5b53981622250553.jpg" style="width: 1157px;"><b><br></b></p><p><img src="https://topnepalnews.comuploads/posts/06a7b4dcf95b83ca475ab6be356b12271622250579.jpg" style="width: 1157px;"><b><br></b></p><p><img src="https://topnepalnews.comuploads/posts/3f9a0c31ed26f4db4fe54de556d89c621622250586.jpg" style="width: 1157px;"><b><br></b></p><p><img src="https://topnepalnews.comuploads/posts/113a4fdfbb5222cfb3d654b8be91248b1622250598.jpg" style="width: 1157px;"><b><br></b></p>