बिमानबाट कुवेत उड्नै लाग्दा प्रहरी नियन्त्रणमा

<p>विदुर । बलात्कारको आरोपमा फरार रहेका धादिङका एक जनालाई प्रहरीले त्रिभुवन अन्तराष्ट्रिय विमानस्थलबाट पक्राउ गरेको छ ।<br></p><p>गजुरी गाउँपालिका घर भएका हरिकृष्ण भनिने हेमनसिंह बस्नेतलाई नेपाल प्रहरीको केन्द्रीय अनुसन्धान ब्युरो(सीआईबी) ले विमानस्थलबाट पक्राउ गरेको जनाएको छ ।&nbsp;</p><p>गएको जेठ १४ गते गजुरीको बस्नेत गाउँमा बाटो खन्ने क्रममा एक्साभेटर चालक समेत रहेका हेमनसिंहले स्थानीय १६ वर्षीया एक किशोरीलाई जबर्जस्ती करणी गरेको अभियोगमा धदिङ अदालतमा मुद्धा बिचाराधीन रहेको छ । घटनापछि हेमन केही समय भारतका विभिन्न ठाउँमा लुकेर बसेको र वैदेशिक रोजगारीको सिलसिलामा कुवेत जान लागेको अबस्थामा पक्राउ गर्न सफल भएको सिआईबीका प्रवक्ता बेलबहादुर पाण्डेले जानकारी दिनुभयो ।</p><p>हेमनसिंहलाई आवश्यक अनुसन्धान एंव कारबाहीको लागी सिआईबीले हिजै जिल्ला प्रहरी कार्यालय धादिङ पठाएको छ ।&nbsp;</p>