27.4¡ÆC
<p><strong>धुञ्चे । ‘पर्यटन बर्ष २०२०’ लाई सफल बनाउन सरकारबाट पहल भईरहेको समयमा रसुवाको लाङटाङ क्षेत्रमा विदेशीभन्दा धेरै स्वदेशी पर्यटकले भ्रमण गरेको पाईएको छ । चालु आर्थिक वर्षको ६ महिनामा करिब १५ हजार पर्यटकले लाङटाङ क्षेत्रको भ्रमण गरेका तथ्यांकमा रहेको छ । ६ महिनाको अवधिमा ८ हजार ६ सय ५० स्वदेशी र सार्कसहित अन्य मुलुकबाट ६ हजार ३ सय ६ पर्यटक आएको लाङटाङ राष्ट्रिय निकुञ्जमा रेन्जर रमेश बस्नेतले बताउनुभयो । <br>आन्तरिक पर्यटकको आगमन निकै कमी हुने लाङटाङ र गोसाइँकुण्ड पदमार्ग दुई वर्षयता स्वदेशी पर्यटकको रोजाइमा पर्न थालेको छ । लाङटाङ राष्ट्रिय निकुञ्जले ०७५ असोज २९ देखि लाङटाङ र गोसाइँकुण्ड जाने स्वदेशी पर्यटकको तथ्यांक राख्न थालेको हो । स्वदेशी पर्यटकसँग प्रवेश शुल्क लिन थालेपछि तथ्यांक राख्न थालिएको निकुञ्जले बताएको छ । <br>रसुवामा पर्यटकका लागि तीनवटा पदमार्ग मध्ये धुन्चे–गोसाइँकुण्ड हुँदै सिन्धुपाल्चोकको हेलम्बुसम्म गोसाइँकुण्ड पदमार्ग, स्याफ्रुबेँसीहुँदै लाङटाङसम्म लाङटाङ पदमार्ग र स्याफ्रुबेँसीदेखि गोल्जुङ, गत्लाङ, चिलिमे, थुमन, टिमुरे, बृदिम हुँदै स्याफ्रुबेँसीसम्मको तामाङ सम्पदा मार्ग पर्यटकको लागी आकर्षक रहेको छ । <br></strong></p>
