नेकपाको उपाध्यक्षमा बामदेव गौतम चयन, कसले के जिम्मेवारी पाए (सूचीसहित)

<p>काठमाडौ । नेपाल कम्युनिष्ट पार्टी (नेकपा)ले उपाध्यक्ष पद सिर्जना गर्दै बामदेव गौतमलाई त्यसको जिम्मेवारी दिने प्रस्ताव गरेको छ ।<br><br>पार्टी एकीकरण गर्दा दुई जना अध्यक्ष र महासचिव पद मात्रै रहेकोमा शुक्रबारको बैठकले पार्टीलाई अझ बढी सुदृढ बनाउन उपाध्यक्षको पद पनि सिर्जना गरेको हो ।<br><br>बैठकमा अध्यक्षद्वय केपी शर्मा ओली र पुष्पकमल दाहालले उपाध्यक्षमा बामदेव गौतमको नाम प्रस्ताव गर्नुभएको हो । अध्यक्षद्वयले प्रस्ताव गरेको विषय पार्टीको स्थायी कमिटी बैठकले अनुमोदन गरेपछि गौतम पार्टीको उपाध्यक्ष बन्नुहुने छ ।<br><br>बैठकमा अध्यक्षद्वयले राखेको प्रस्ताव कसैले पनि विरोध नगरेको र गौतमले पनि उपाध्यक्ष पद स्वीकारेको सचिवालय स्रोतले जनाएको छ । बैठकले गौतमलाई संगठन विभागको जिम्मेवारी पनि दिएको छ । गौतमले यसअघि नै संगठन विभाग आफूले पाउने दाबी गर्दै आउनुभएको थियो । <br><br>यस्तै लामो समयदेखि मिल्न नसकेको स्कुल विभागको विवाद पनि समाधान भएको छ । स्कुल विभागको नेतृत्व ईश्वर पोखरेलले पाउनुभएको छ । लामो समय नेताहरुबीच चलेको रस्साकस्सीपछि अन्ततः पोखरेलले यो विभागको जिम्मेवारी पाउनुभएको हो ।<br><br>स्कुल विभागमा पार्टी प्रवक्ता समेत रहनुभएका सचिवालय सदस्य नारायणकाजी श्रेष्ठ 'प्रकाश'को पनि दाबी थियो ।&nbsp; दुवै नेताले दाबी नछाड्दा पार्टी एकीकरणको काम लम्बिँदै गएपछि विभागको नेतृत्व टुंगो लगाउने जिम्मा अध्यक्षद्वयलाई दिइएको थियो । बिहान अध्यक्षद्वयबीच भएको छलफलमा विभागको जिम्मेवारी पोखरेललाई दिने सहमति भए पछि एकताका बाँकी काम अघि बढेको हो ।<br><br>स्कुल विभाग पोखरेल र प्रचार विभागको जिम्मेवारी नारायणकाजी श्रेष्ठ 'प्रकाश'लाई दिँदै विवाद मिलाइएको छ ।<br><br>नीति तथा प्रतिष्ठान विभाग प्रमुखको जिम्मेवारी वरिष्ठ झलनाथ खनालले पाउनुभएको छ ।<br><br>वरिष्ठ नेता माधव कुमार नेपालले भने विदेश विभाग प्रमुखको जिम्मेवारी पाउनुभएको छ भने राम कार्की विभागको उपप्रमुख हुनुहुन्छ । यस्तै अर्थ तथा योजना विभागको जिम्मेवारी भने सुरेन्द्र पाण्डेले पाउनुभएको छ ।<br><br>नेकपाको ३२ विभागमध्ये १९ विभागमा पूर्व एमाले र १४ वटा विभागमा पूर्व माओवादी केन्द्रका नेताहरुले जिम्मेवारी पाएका छन् ।</p><p><img style="width: 742px;" src="https://topnepalnews.comuploads/posts/8d2d2a7882ae8b8d7ba2753bc6f24e251565962563.jpg"></p><p><img style="width: 742px;" src="https://topnepalnews.comuploads/posts/06d7c2e52910c16916e366950ad2025b1565962571.jpg"></p><p><img style="width: 742px;" src="https://topnepalnews.comuploads/posts/e3a7937c77f753911a60c136df77d36c1565962577.jpg"></p><p><img style="width: 742px;" src="https://topnepalnews.comuploads/posts/a671eadfdfd759c9da0456115a30145d1565962585.jpg"><br></p>