प्रधानमन्त्री ओलीलाई बौद्धबासीको निमन्त्रणा

<p><br>काठमाडौ । समयमै कालोपत्रे सम्पन्न नगरेको विरोधमा स्थानीयबासीले चावहिल–साँखु सडक अवरुद्ध पारेका छन् । सडक विभागको उपत्यका सडक विस्तार आयोजनाले ०७२ सालमा विस्तारका लागि सो सडक खण्डको ठेक्का यनाइटेड बिल्डर्स–बज्रगुरु–बिरुवा जेभी कम्पनीलाई लगाएको हो ।<br>४ वर्ष बित्दा पनि सडक विस्तार कालोपत्रे सम्पन्न नभएपछि स्थानीय आक्रोसित भएका हुन् ।<br><br>बिहीबार विरोध प्रदर्शन गरिएको बौद्धदेखि जोरपाटीसम्मको २ किमि सडक ०७२ असोजमा युनाइटेड बिल्डर्स कम्पनीले ठेक्का पाएको हो । सरकारले साइड क्लियर नगरेको भन्दै २ वर्षदेखि कम्पनली सो खण्डको काम गरेको छैन ।&nbsp; स्थानीयले घरको क्षतिपूर्तिसहित मुआब्जा पनि मागेकाले मूआब्जा रकम दिने बजेट नभएको बताउँदै आयोजना कार्यालयले साइड क्लियर नगरेको हो । <br><br>सरकार, ठेकेदार कम्पनी र स्थानीयको आ–आफ्ना अडानले उक्त सडकखण्ड विस्तार र कालोपत्रे ढिलाइ भएको हो । ०७१ सालमा सडक विभागले त्रिपुरेश्वरदेखि नागढुङ्गा र चावहिलदेखि साँखुसम्मको सडक विस्तारको सर्भे गरेर यी सबै स्थानमा विभिन्न ठेकेदार कम्पनीलाई ०७२ सालबाट विभिन्न खण्डमा ठेक्का लगाएको थियो । <br>हाल अन्य स्थानका सडक पनि विस्तार सम्पन्न नभएको र कालोपत्रे नभएको अवस्थामा छन् ।&nbsp; “नयाँ एसेसरिजहरु धुलोले गर्दा सेकेन्ड हेन्डजस्तो देखिने&nbsp; भएकाले ग्राहकले पसलमा सामान किन्न छोडिसके । बेच्नका लागि राखेको नयाँ मोबाइलको स्क्रीन, चार्जिङपोर्टमा धुलो पसेर बिग्रिने समस्या छ,” जोरपाटी चोकका मोबाइल पसल सञ्चालक दीपक पाण्डेले भने, “हाम्रो स्वास्थ्यमा पनि यहाँको धुलोले धेरै असर गरेको छ । यसरी हामी बाध्य भएर बौद्ध, जोरपाटीका व्यापारी भेला भए पछि सडक कालोपत्रे चाँडो सक्न सरकारलाई ध्यानाकर्षण गराउनका लागि आज बिहानबाट विरोध प्रदर्शन सुरु गरेका हौं ।”<br><br>“प्रधानमन्त्रीले केही दिनअघि काठमाडौंका सबै सडक कालोपत्रे भइसके अब माक्स लगाएर कसैले हिँड्नुपर्ने छैन । प्रधानमन्त्रीज्यू सिंहदरबारमा होइन, यहाँ आउनूस् अनि देखिन्छ धुलो,” बौद्धका स्थानीय तथा पर्यटन व्यवसायी पेम्बा लामाले भने ।<br>&nbsp;<br></p>