प्रदेस नं. ३ सरकारबाट नुवाकोटमा आठवटा कृषि सडकलाई बजेट बिनियोजन (सूची सहित)

<p>प्रदेस नं. ३ सरकारले नुवाकोटको विभिन्न स्थानमा कृषि सडकको लागी आठ योजनामा बजेट बिनियोजन गरेको छ ।</p><p> जिल्लाको कृषि क्षेत्र तथा कृषकलाई सेवा प्रवाहको लागी सहज बनाउन अति आवश्यक रहेका स्थानहरुमा बजेट बिनियोजन भएको नुवाकोटबाट प्रदेससभा सदस्यमा प्रतिनिधित्व गर्दै प्रदेस नं. ३ को उपसभामुख समेत रहनुभएको राधिका तामाङले जानकारी दिनुभया । उहाँको अनुसार नुवाकोटलाई कृषि र पर्यटन प्रबद्धनमा उल्लेख्य योगदान पुर्याउन आवश्यक रहेको सडक विस्तारका अन्य योजना तथा कार्यक्रम भएपनि हाल आठ सडक योजनाको लागी बजेट छुट्टाइएको छ । बाँकी योजनाहरु पनि क्रमशः समावेश गराउनको लागी पहल भइरहेको पूर्व कृषि विकास राज्य मन्त्री समेत हुनुभएका तामाङले भन्नुभयो । </p><p><br>उहाँले नुवाकोटमा प्रधानमन्त्री कृषि आधुनिकीकरण परियोजना मार्फत आलु र तरकारीको जोन कार्यक्रम, पकेट र ब्लक कार्यक्रम लगायत मार्फत जिल्लालाई कृषिमा आत्मनिर्भर भएर आम्दानीको मुख्य श्रोत बनाउनको लागी बनाउनुभएको सोच अनुसार हाल छनोटमा परेका सडक योजनाहरु सम्पन्न भएपनि कृषि क्षेत्रको विकासमा उल्लेख्य योगदान पुग्ने विश्वास लिएको बताउनुभएको छ । <br><b><br>३ नं. प्रदेश सरकारबाट बजेट विनियोजित नुवाकोट जिल्लाका कृषि सडकहरु :</b><br>१. उप्रा–घ्यावरचौर–इल्दुम–तालुकसेरी जोडने कृषि सडक –दुप्चेश्वर–१, रु. ३०,००,०००।<br>२. लोकमार्ग–कुण्डला–बाँकेघर–मिश्र पँधेरो–महादेव खोला छहरे कृषि सडक– पञ्चकन्या–५, रु. ३०,००,०००।<br>३. मंगला मावि–मझुवा प्रावि हुदै बालकुमारी जोडने कृषि सडक–पञ्चकन्या–४ रु. ४५,००,०००।<br>४. मिश्रफाँटको पीच बाटोबाट २ किमी दायाँबायाँ–पञ्कन्या–२, रु. ३५,००,०००।<br>५. आनपा देखि निउरेनी हुँदै मानेथोक जोडने कृषि सडक–पञ्कन्या–३, रु. २५,००,०००<br>६. रिजारको मिल–पहरेधारा हुँदै सत्तरी जोडने कृषि सडक– शिवपुरी ८, रु. २५,००,०००।<br>७. डाडागाउँ हुदै गेर्खु खोला जोडने कृषि सकड– विदुर नपा–११, रु. ३५,००,०००।<br>८. बान्द्रे देखि पाँडेगाउँ हुँदै चोगते जोडने कृषि सडक –विदुर न.पा.–१ रु. ३५,००,०००।<br><br><br><br></p>