त्रिशूली जलविद्युत उत्पादन गृहमा आगोलाग्यो (भिडियो सहित)

<p></p><p>नुवाकोट । नुवाकोटमा रहेको त्रिशूली जलविद्युत केन्द्रको उत्पादन गृहमा यही पुस १८ गते बुधबार साँझ आगलागी हुदाँ विद्युत उत्पादन बन्द भएको छ ।</p><p>२१ मेगावाट क्षमताको केन्द्र र सोहीको सहायक योेजनाको रुपमा रहेको १४ मेगावाट क्षमताको देवीघाट जलविद्युत केन्द्र समेत बन्दहुदाँ राष्ट्रिय प्रशारण लाइनमा यहाँबाट जोडिएको ३५ मेगावाट विद्युत गिरावट आएको छ ।</p><p><img style="width: 1024px;" src="https://topnepalnews.comuploads/posts/082f5d694d7e5e8e3be57bd59191f87d1546482125.jpg"><br></p><p>बुधबार साँझ साढे छ बजेतिर त्रिशूली उत्पादन गृहबाट उत्पादन भएको विद्युत प्रवाह हुने बसबारमा ताप उत्पन्न भएर आगो लाग्दा ब्रेकर नं. ६ मा रहेको ६.६ केभीको जेनेरेटर जलेर पूर्ण रुपमा क्षति भएको केन्द्र प्रमुख तारदत्त भट्टले जानकारी दिनुभयो । उहाँको अनुसार आगलागीले क्षति पु-याएका उपकरण मर्मत र परिवर्तन गर्न रु एक करोड भन्दा बढी लाग्ने देखिएको छ भने सञ्चालनको लागी करीब एक साता लाग्ने अनुमान छ । </p><p><img style="width: 1024px;" src="https://topnepalnews.comuploads/posts/ac888cbd69fdb08fe8158b4ef7a6e2521546482137.jpg"><br>उत्पादन गृहमा लागेको आगो नियन्त्रणमा ल्याउन नेपाल विद्युत प्राधिकरणका कर्मचारी, नेपाली सेना, सशस्त्र र नेपाल प्रहरी, विदुर नगरपालिकाको दमकल सहित स्थानीयबासीलाई एकघण्टा भन्दा बढी समय लागेको थियो । <br>आगलागी पछि केन्दैबाट विद्युत उत्पादन बन्द हुदाँ नुवाकोट सहित रसुवा र धादिङका केही स्थानमा प्रभावित भएको विद्युत सेवा राष्ट्रिय प्रशारण लाइन मार्फत गएरातीदेखि उपलब्ध गराइएको छ । </p><p><img style="width: 1024px;" src="https://topnepalnews.comuploads/posts/02d6a2d1c023ee2f62b93d14e58449bb1546482150.jpg"><br>त्रिशूली जलविद्युत केन्द्रको उत्पादन गृहमा गत असार २६ र मंसिर ८ गते पनि आगलागी भएको थियो ।<br></p> <iframe src="https://www.youtube.com/embed/cNSLIjoAM9c" allow="accelerometer; autoplay; encrypted-media; gyroscope; picture-in-picture" allowfullscreen="" width="560" height="315" frameborder="0"></iframe><p></p><p><br></p>