नवस्टार युवा क्लबलाई उपाधि

<p align="justify"><br>७ कार्तिक, सामरी । कन्यास्थान युवा क्लबको आयोजनामा म्यागङ गाँउपालिका वडा नं. ६ सामरीको भङ्गेरीडाँडामा सञ्चालन भएको फुटबल प्रतियोगिताको उपाधी नवस्टार युवा क्लब पोखरीले जितेको छ । </p><p align="justify"><br>मंगलबार भएको फाइनलमा खेलमा नवोबुद्ध युवा क्लब बैखुण्डेलाई २–० गोल अन्तरले हराउदै नवस्टार युवा क्लबले उपाधि जितेको हो । बिजेता नवस्टार युवा क्बललाई खेल समापन कार्यक्रमका प्रमुख अतिथी प्रतिनिधिसभा सदस्य बहादुरसिंह लामा तामाङले नगद ५० हजार रुपैया सहित ट्रफी मेडल र प्रमाणपत्र प्रदान गर्नुभयो ।</p><p align="justify"><br>यसैगरी, दोश्रो भएको नबोबुद्ध युवा क्बलले नगद २५ हजार रुपैयाँ सहित ट्रफी, मेडल र प्रमाणपत्र पाएको छ । प्रतियोगिताको तेश्रो स्थान नेत्रावती–डब्जङ्ग गाँउपालिका धादिङको चौतारा युवा क्लब भएको छ । तेश्रो भएको चौतार युवा क्बलले नगद दश हजार रुपैयाँ ट्रफि, मेडल र प्रमाणपत्र पाएको प्रतियोगिताको व्यबस्थापन वीरबहादुर तामाङले जानकारी दिनुभएको छ । </p><p align="justify"><br>प्रतियोगितामा उत्कृष्ट खेलाडी नवस्टार युवा क्लबका चतुरमान तामाङ, उत्कृष्ट गोलकिपर नवस्टार युवा क्लबका राजकुमार तामाङ, सर्वाधिक गोलकर्ता नवोबुद्ध युवा क्बलका डेभिड तामाङ घोषित हुनुभएको छ ।</p><p align="justify"><br>सातौ खुल्ला नकआउट प्रतियोगिताको रुपमा गएको असोज २७ गतेदेखि सुरु भएको प्रतियोगितामा नुवाकोट र धादिङका विभिन्न २६ समूहको सहभागिता रहेको थियो । <br><br><br></p>