सार्वजनिक सवारीको नयाँ भाडादर सार्वजनिक, कहाँ पुग्न कति लाग्छ ? (सूचीसहित)

<p>काठमाडौं । सरकारले सार्वजनिक यातायातको नयाँ भाडादर सार्वजनिक गरेको छ । शनिबार यातायात व्यवसायीसँग १० प्रतिशत भाडा बढाउन सहमति जनाएको सरकारले&nbsp; आइतबार नयाँ भाडादर सार्वजनिक गरेको हो ।<br>यातायात व्यवसायी र सरकारबीच शनिबार १० प्रतिशत भाडा बढाउने सहमति भएको थियो । सार्वजनिक सवारी साधनको भाडादर निर्धारण गर्दा इन्धनको अंश ३५ प्रतिशत र अन्य सूचकहरुको अंश ६५ प्रतिशत मानी भाडादर निर्धारण गरिएको हो । देशभरका विभिन्न रुटको भाडा कहाँ पुदा कति लाग्ने भन्ने विवरण आइतबार सार्वजनिक भएको हो ।<br><br>नयाँ भाडादर अनुसार काठमाडौं उपत्यकाका शहरी क्षेत्र र अन्य शहरी क्षेत्रमा सञ्चालन हुने सबै किसिमका यात्रुबाहक सवारीका साधनमा न्यूनतम १४ देखि अधिकतम १८ रुपैयाँ कायम गरिएको छ । न्यूनतम चार किलोमिटरभित्र न्युनतम् १४ रुपैयाँ कायम गरिएको छ ।<br><br>५ किलोमिटरसम्म यात्रा गर्दा १६ रुपैयाँ, ६ किलोमिटरसम्म यात्रा गर्दा १७ रुपैयाँ, ८ किलोमिटरसम्म यात्रा गर्दा १८ रुपैयाँ तिर्नुपर्ने भएको छ । यस्तै १० किलोमिटरसम्म यात्रा गर्दा २१, १३ किलोमिटरसम्म २३, १६ किलोमिटरसम्म २५, १९ किलोमिटरसम्म २७ रुपैयाँसम्म तिर्नुपर्ने पर्ने भएको छ । <br>यस्तै डिलक्स सुविधा लिएका जुनसुकै प्रकारका यात्रुवाहक सवारी साधनले तोकिएको भाडादरमा पनि थप २० प्रतिशत बढाएर लिनसक्ने विभागले जारी गरेको सूचनामा उल्लेख छ ।</p><p><a href="भाडादर हेर्न यहाँ क्https://drive.google.com/file/d/1T6Jk6BhvX9iDnZFJnaoVwL-pwBcoFVKS/viewलिक गर्नुहोस्">भाडादर हेर्न यहाँ क्लिक गर्नुहोस्</a><br></p>