सनमको शव लुकाउन प्रहरी अधिकारीले गरेका थिए दुई करोडको बार्गेनिङ

<p>काठमाडौं ।&nbsp; ३३ किलो सुन तस्करी र मोरङ उर्लाबारीका सनम शाक्यको हत्यामा बहालवाला डीएसपी प्रजित केसीको संलग्नता पुष्टि भएपछि मुद्दा चलाउने तयारी गरिएको छ। गृहमन्त्रालयका सहसचिव ईश्वरराज पौडेलको नेतृत्वमा गठन भएको छानबिन समितिले डीएसपी केसीलाई पक्राउ गरी अनुसन्धान गर्ने क्रममा उनको पनि संलग्नता देखिएपछि आइतबार प्रहरीले मोरङ अदालतमा कर्तव्य ज्यान, अपहरण र संगठित अपराध मुद्दामा तीन दिनको म्याद थप गरिएको हो। <br><br>स्रोतका अनुसार केसीले सनमको शव बेपत्ता पारिदिने भन्दै दुई करोडमा बार्गेनिङ गरेका थिए। अनुसन्धानका लागि केसीलाई नेतृत्वमा अपराध महाशाखाबाट खटिएको प्रहरी टोलीले शाक्यको शव मोरङमा बरामद गरेको थियो। सोही अनुसन्धाामा चलखेल भएपछि गृह मन्त्रालयले सहसचिवको नेतृत्वमा छानबिन समिति गठन गरेको थियो। मुख्य अभियुक्त गोरे भनिने चूडामणि उप्रेती फरार रहेको अवस्थामा प्रहरीले सुन तस्करी र शाक्य हत्याको अनुसन्धान अन्तिम चरणमा पुगेको छ। समाचारपत्र दैनिकमा समाचार छ । <br><br></p>