मापदण्ड विपरीतका ६३ फिरफिरे बन्द (फोटो फिचर)

<p align="justify">अशोक ढकाल,&nbsp; <br>६ चैत, नुवाकोट । तोकिएको मापदण्ड विपरीत सञ्चालनमा रहेका यहाँका ६३ बालुवा प्रशोधन उद्योग (फिरफिरे) जिल्ला अनुगमन समितिले बन्द गराएको छ । <br>उद्योग विकास शाखाको आयोजनामा जिल्ला अनुगमन समितिको सयुक्त टोलीले गरेको अनुगमनको क्रममा बुधबारदेखि शुक्रबारसम्म तीन दिनमा मापदण्ड विपरीतका उद्योग बन्द गराइएको शाखाका निमित्त निर्देशक बिजय भट्टराईले जानकारी दिनुभयो । बन्द भएका उद्योग विदुर र बेलकोटगढी नगरपालिका क्षेत्रमा सञ्चालनमा थिए । <br>दर्ता भएर मापदण्ड पूरा नगरेका ६३ उद्योगका धनीलाई बन्द गर्न पत्र दिइएको भट्टराईले बताउनुभयो । उहाँको अनुसार अनुगमनको क्रममा दर्ता नभई सञ्चालनमा रहेका २६ फिरफिरेलाई कारबाही स्वरुप काम बन्द गराई हटाउन स्थलगत अनुगमनको क्रममा पत्र काटिएको छ ।<br>“उद्योगीले बालुवा प्रशोधन पछि उत्पन्न हुने धमिलो पानी सिधै नदीमा मिसाएको पाइएपछि बन्द गराउन बाध्य भएका छौ ।” उहाँले भन्नुभयो “बालुवा प्रशोधनपछि तीनतहमा हुने पानी शुद्धिकरण पोखरी निर्माण गर्नुपनेै लगायतका त्रुटी सुधार गरेपछि मात्र सुचारु गराउने छौ ।”<br>जिल्लाका फिरफिरे उद्योगले बालुवा प्रशोधनपछि पानी शुद्धिकरण नगरी सिधै त्रिशूली, तादी लगायतका नदीमा मिसाएर प्रदूषण गरेको चौतर्फी गुनासोपछि जिल्ला अनुगमन टोलीले सयुक्त रुपमा बुधबारदेखि स्थलगत अनुगमन अभियानको रुपमा सुरु गरेको छ । <br>टोलीमा जिसस प्रमुख शन्तमान तामाङ, प्रजिअ बिरेन्द्र यादव, प्रहरी प्रमुख (प्रहरी उपरीक्षक) बसन्त कुंवर, सम्बन्धित स्थानीयतहका प्रमुख र वडाध्यक्षहरु, उद्योग बाणिज्य संघका अध्यक्ष ताराबहादुर कार्की लगायत छन् ।</p><p align="justify"><br></p><p align="justify"><br><br><br><img style="width: 1024px;" src="https://topnepalnews.comuploads/posts/ea98e583166ece76e7fe71a65a05b5151521502611.jpg"></p><p align="justify"><br></p><p align="justify"><br><img style="width: 1024px;" src="https://topnepalnews.comuploads/posts/d68f66dfcc5ee2081ecce2f413b24b101521502659.jpg"><img style="width: 1024px;" src="https://topnepalnews.comuploads/posts/1a1536248e70cd226c9ea2fb0bb843cf1521502670.jpg"></p><p align="justify"><br><img style="width: 1024px;" src="https://topnepalnews.comuploads/posts/74910a872acec1a2bd33a3ccedc63a6f1521502712.jpg"></p><p align="justify"><br><img style="width: 1024px;" src="https://topnepalnews.comuploads/posts/2bcc5385c0a071c8ceb678aceeed22581521502742.jpg"></p>