सांसदमा पराजित उपप्रधानमन्त्री कमल थापाले पुर्वराजालाई गोप्य भेटे

<p><span style="line-height: 1.42857;">नेपालगञ्ज ।</span><br></p><p>प्रतिनिधिसभा निर्वाचनमा पराजित भएका सरकारका उपप्रधानमन्त्री कमल थापा काठमाडौंबाट आएर पुर्वराजालाई गोप्य भेटघाट गरि फर्किएका छन ।</p><p><br></p><p>आफनो पार्टीको तीन प्रतिशत थ्रेस होल्ड समेत कटाउन नसकेपछि एक सांसदमा सिमित बन्न पुगेका थापाले आफ्नो परिवार सहित भ्रमणका लागी पश्चिम क्षेत्रमा आएका पुर्वराजा ज्ञानेन्द्र शाहलाई नेपालगन्जमा आएर भेटेका हुन् ।</p><p><br></p><p>पूर्वराजा ज्ञानेन्द्र आफ्नी पत्नी कोमल, बुहारी हिमानी र छोरी प्रेरणा सहित दुई हप्ता लामो भ्रमणका लागी बिहीबार अपरान्ह नेपालगन्ज आईपुगेका थिए।</p><p><br></p><p>पूर्वराजाको सचिवालयले भ्रमणलाई निजी रहेको बताएपनि ज्ञानेन्द्रले विभिन्न व्यक्तिसँग गरिरहेको भेटघाटबाट उनको आगमनप्रति थप आशंका पैदा गराएको विश्लेषण स्थानीय स्तरमा गर्न थालिएको छ । कारकाँदोमा रहेको होटल सोल्टीमा बस्दै आएका उनलाई भेटघाट गर्न उनका समर्थकहरु दिनहुँ नेपालगन्जमा केन्द्रित हुने गरेका छन्।</p><p><br></p><p>राजसंस्थाको पक्षमा खुलेरै वकालत गर्दै आएको राप्रपाका अध्यक्ष कमल थापा पनि शनिबार बिहान नेपालगन्ज आई दिउँसो भेटघाट गरेर राजधानी फर्किए।&nbsp;</p><p>कार्यकर्ता भेटघाटको निहुँ पारेर नेपालगन्ज आएका उपप्रधामन्त्री समेत रहेका थापाले दिउँसो होटल सोल्टीमै पुगेर पूर्वराजालाई भेट गरेका थिए।</p><p>दुबैबीच गोप्य भेटघाट भएको बताइएको छ ।</p><p><br></p><p>भेट पश्चात पत्रकारसँग कुराकानी गर्दै अध्यक्ष थापाले आफु नेपालगन्ज आएको बेला पूर्वराजा पनि यतै रहेको कुरा थाहा पाएको र पूर्वराष्ट्र प्रमुख तथा पूर्वराजाको हैसियतले स्वभाविक रुपले शिष्टाचार भेट गरेको जिकिर गरे ।</p><p><br></p><p>&nbsp;‘पूर्वराजाको कुनै राजनीतिक भ्रमण रहेको जस्तो मैले पाएन, थापाले भने ‘होटलको उद्घाटन र धार्मिक क्षेत्रको भ्रमण गर्ने उद्देश्य रहेको थाहा पाए।’</p><p><br></p><p>भेटका क्रममा देशको परिस्थितीका बारेमा पनि विचार आदान–प्रदान भएको उपप्रधानमन्त्री थापाले बताए । पत्रकारको जिज्ञासामा राप्रपा अध्यक्ष थापाले आफ्नो पार्टीले राजसंस्था र हिन्दु राष्ट्रको एजेण्डालाई अब सडकबाट स्थापित गराउने जिकिर गरे। ‘राप्रपालाई जनताले संसदमा भन्दापनि सडकमै भएको हेर्न रुचाएको जस्तो देखियो, सडकमै जनताले ठाउँ दिएको हुनाले सडकमै हामीले अब हिन्दु राष्ट्र र राष्ट्रियताको एजेण्डालाई सशक्त रुपमा उठाउँछौं,’ उनले भने।</p>