ओलीको हातबाट टिका लगाएर पूर्वडीआईजी सिलवाल एमाले प्रवेश गर्दै

<p><span style="line-height: 1.42857;">काठमाडौं ।</span><br></p><p>महानिरिक्षक बढुवामा बरियता मिच्दा आफु पाखा परेको भन्दै डीआईजी पदबाट राजीनामा दिएका नवराज सिलवाल नेकपा एमालेमा प्रवेश गर्ने भएका छन् ।</p><p><br></p><p>प्रहरी सेवाबाट राजीनामा दिएका पूर्वडीआईजी सिलवालले आईजिपी नपाउने भएपछि समाजसेवामा लाग्ने बताएपनि एक महिनामा निर्णय फेर्दै राजनीतिमा होमिन लागेका हुन् ।</p><p><br></p><p>सिलवाललाई काठमाडौंको बुद्धनगरमा एमाले अध्यक्ष केपीशर्मा ओलीको हातबाट टिका लगाएर एमाले छिर्ने कार्यक्रम रहेको एमाले काठमाडौं जिल्ला कमिटीले बताएको छ ।</p><p><br></p><p>माओवादी केन्द्रका अध्यक्ष पुष्पकमल दाहाल प्रचण्ड नेतृत्वको तत्कालीन सरकारले वरिष्ठता क्रममा अगाडी रहेका सिलवाललाई राजनीतिक दाउपेचका आधारमा लत्याउँदै जयबहादुर चन्दलाई आईजीपी नियुक्त गर्ने घोषणा गरेको थियो । तर अदालतले चन्दलाई आईजिपी नबनाउने आदेश दिएपछि प्रकाश अर्याल आईजीपी बनेका छन् ।</p><p><br></p><p>आईजिपीबाट फ्याँकिएपनि एआईजीमा बढुवा हुनुपर्ने सिलवाललाई शेरबहादुर देउवाकै दबावमा बढुवा समेत नगरिएपछि उनले प्रहरी सेवाबाट राजीनामा दिएका थिए ।</p>