प्रचण्ड भन्छन्-‘यो दशक नयाँ क्रान्तिको दशक’, माओवादी केन्द्र जम्बो

<p>२० जेठ, काठमाडौं ।<br>नेकपा माओबादी केन्द्रका अध्यक्ष पुष्पकमल दाहालले ‘यो दशक फेरी नयाँ क्रान्तिको दशक बन्न संम्भव रहेको बताउनुभएको छ । उहाँले सहमति&nbsp; र एकता&nbsp; विना कुनै कुरा पनि हासिल गर्न नसकिने भन्दै सिंगो राष्ट्र एकिकृत गर्ने समय आएको बताउनुभयो ।<br><br>काठमाडौं ३ नं. प्रदेशको प्रशिक्षण कार्यक्रमा अध्यक्ष दाहालले&nbsp; माओबादीबीच फुट आएको जनताले मन नपराएको बताउनुभयो । <br><br><b>माओवादी केन्द्रको महाधिवेशन आयोजक समिति जम्बो<br></b><br>नेकपा 'माओवादी केन्द्र' ले महाधिवेशन आयोजक समिति हालसम्मकै ठूलो बनाएको छ । 

पार्टी केन्द्रीय कार्यालय पेरिसडाँडामा आज बसेको पोलिटब्युरोको बैठकले एक हजार ९९ सदस्यीय महाधिवेशन आयोजक समिति बनाएको हो ।</p><p>बैठकले ९९९ जना मनोनयन गरेको छ भने बाँकी एक सय जना पछि थपिने माओवादी केन्द्रले जनाएको छ ।</p><p>
पार्टी एकता प्रक्रियामा नेत्रविक्रम चन्दले नेतृत्व गरेको नेकपा माओवादी र नयाँ शक्ति अभियानको ठूलो हिस्सा समावेश हुने भन्दै महाधिवेशन आयोजक समितिमा थप एक सय सदस्य खाली राखिएको माओवादीले जनाएको छ ।</p><p>यस्तै बैठकले ८५ सदस्यीय स्थायी समिति २५५ सदस्यीय पोलिटब्युरो बनाइएको प्रवक्ता पम्फा भुसालले जानकारी दिनुभयो ।<br><br>समिति महाधिवेशनसम्मका लागि मात्र भएको र महाधिवेशनमा अध्यक्षदेखि सबै सदस्य निर्वाचित हुनुपर्ने भएकाले हाल ठूलो वा सानो हुनुले केही प्रभाव नपार्ने प्रवक्ता भुसालले बताउनुभयो ।</p><p>बैठकले देशव्यापी रुपमा प्रशिक्षण कार्यक्रम चलाउने र पार्टीको एकता प्रक्रियालाई जनस्तरसम्म पु¥याउने निर्णयसमेत गरेको छ ।<br><br></p>