बुद्ध लामा बने पहिलो नेपाल आईडल, निशान फस्ट रनरअप, प्रताप सेकेण्ड (भिडियो सहित)

दोहा, कतार । लोकप्रिय सांगितिक रियालीटि शो नेपाल आइडलको उपाधि बुद्ध लामाले जितेका छन् । अर्का प्रतिस्पर्धी निशान भट्टराई पहिलो रनरअप बन्न सफल भएका छन् । कतार दोहाको ओमसलाल अल सानिम ईण्ड्रस्ट्रिय एरिया ग्राण्डमलको एम्पीथिएटर हलमा फाइनलको लाईभ गरेर बिजयीहरु घोषणा गरिएको हो । मह जोडी मदन कृष्ण श्रेष्ठ र हरिवंश आचार्यले घोषणा गरेको बिजेताहरुको नाममा प्रताप दास सेकेण्ड रनरअप भए । उनले सेकेण्ड रनरअप उपाधि सहित १० लाख नगद पाएका छन् । आइडलका विजेता बुद्ध लामाले २० लाख रुपैयाँ, महिन्द्रा केयूभी १०० गाडी र १५ लाख रुपैयाँको एल्बम कन्ट्र्याक प्राप्त गरेका छन् । पहिलो रनर अप भएका निशान भट्टराईले १५ लाख रुपैयाँ पुरस्कार पाएका छन् ।

ग्राण्ड फिनालेमा बुद्ध, निशान, प्रतापसहित १२ प्रतिस्पर्धीहरु सागर आले, सुरज थापा, सुजाता पाण्डे, सन्ध्या जोशी, उल्सन श्रेष्ठ, प्रमिला राई, राहुल विश्वास, मेनुका पौडेल, केञ्जलमेहर श्रेष्ठले आफ्नो प्रस्तुती देखाएका थिए । यस बाहेक गायक हेमन्त राना हांस्य कलाकार नारद खतिवडा लगायतले आफ्नो प्रस्तुती प्रस्तुत गरेका थिए । फाइनलको लाईभ एपिवन च्यानले टेलिभिजन तथा युट्युव मार्फत लाईभ गर्ने भनेपनि इन्टरनेट समस्याका कारण लाईभ भएन । विशेषगरि विश्वभर छरिएर रहेका नेपालीहरुले युट्युव तथा सामाजिक सञ्जालमा लाईभको प्रतिक्षा गरिरहँदा हेर्न नपाएपछि टेलिभिजन व्यवस्थापनको चर्को आलोचना भएको छ ।