अख्तियारको निर्देशन नमाने मुद्दा

<p><span style="line-height: 1.42857143;">काठमाडौं,जेठ २० । अख्तियार दुरुपयोग अनुसन्धान आयोगले स्वास्थ्यसहितका मन्त्रालय एवं निकायलाई पदाधिकारी नियुक्तिसम्बन्धी मापदण्ड बनाएर लागू गर्न आफूले दिएको निर्देशन कार्यान्वयन नभएपछि छानबिन थाल्ने भएको छ । छानबिनपछि निर्देशन उल्लघंन गर्ने मन्त्रीसहितका पदाधिकारीमाथि भ्रष्टाचारमा मुद्दा चलाउने चेतावनीसमेत अख्तियारले दिएको आजको अन्नपूर्णमा समाचार छ ।</span><br></p><p><span style="line-height: 1.42857143;">स्वास्थ्यलगायत विभिन्न मन्त्रालय र मातहतका निकायमा पदाधिकारी नियुक्तिका लागि नयाँ मापदण्ड तय गर्न आयोगले एक महिनाअघि दिएको निर्देशन कार्यान्वयन गर्न मन्त्रीले आनाकानी गर्दै आएका छन् ।</span><span style="line-height: 1.42857143;">आयोगले पदाधिकारी नियुक्ति सम्बन्धमा सर्वोच्च अदालतको पूर्ण इजलासबाट २०६७ सालमा स्थापित नजिर पालना गर्दै उक्त निर्देशन कार्यान्वयन गर्न सम्बन्धित मन्त्रालयलाई सुझाव दिएको थियो ।&nbsp;</span><span style="line-height: 1.42857143;">अख्तियारका प्रवक्ता कृष्णहरि पुष्करले कानुनबमोजिम दिएको सुझाव वा निर्देशन कार्यान्वयन नगरेको अवस्थामा समबन्धित व्यक्तिमाथि छानविन गरी विशेष अदालतमा भ्रष्टाचार मुद्दा दायर हुने बताए ।</span></p>