18.12¡ÆC
<p>२० जेठ, काठमाडौं ।<br>उपराष्ट्रपति नन्दबहादुर पुनले देशको अर्थतन्त्र दह्रो बनाउन कृषि तथा पशुपक्षी विकासका क्षेत्रमा बजेट बढाउनुपर्ने बताउनुभएको छ ।<br><br>नेपाल भेटेनरी एसोसिएसनको बाह्रौँ सम्मेलन बुधवार काठमाण्डौमा उद्घाटन गर्दै उपराष्ट्रपति पुनले राज्यले कृषि क्षेत्रमा पर्याप्त लगानी गर्ने हो भने विदेशीएका युवाले यही आफ्नो भविष्य देख्ने र कृषि पेसामा आवद्ध हुने बताउनु भयो । <br><br>उपराष्ट्रपति पुनले सरकारले तयार पारेको २० वर्षे कृषि विकास रणनीति प्रभावकारी ढङ्गले कार्यान्वयन गर्न आवश्यक रहेकोमा पनि जोड दिनु भयो । <br><br>कार्यक्रममा कृषि विकासमन्त्री हरिबोल गजुरेलले सरकारले ल्याएको नीति तथा कार्यक्रममा किसान सुरक्षा कोष, निवृत्तिभरणलगायत उत्साहित योजना भए पनि बजेटमा खाली ‘सम्भ्यावता अध्ययन गरिने छ’ मात्र भनिएकाले यो सच्याउनुपर्ने बताउनुभयो ।<br><br>पशुपक्षी विकास राज्यमन्त्री नरदेवी पुनले कृषि क्षेत्रको वस्तु आयातका लागि वार्षिक १८ अर्ब भन्दा बढी रकम विदेशिने गरेकोले आगामी दुई÷तीन वर्षभित्र कृषि वस्तु अयात विस्थापन गर्ने लक्ष्यमा मन्त्रालयको रहेको बताउनुभयो ।<br><br>मन्त्रालयका सचिव डा कृष्णचन्द्र पौडेलले मन्त्रालयले पशुपक्षीको विकासका लागि नश्ल सुधार, आहार, स्वास्थ्य र पशुजन्य पदार्थको सुधारका योजनालाई अघि बढाइएको जानकारी दिनुभयो । एसोसिएसनका अध्यक्ष डा रामकृष्ण खतिवडाले भेटेनरी सेवालाई अत्यावश्यक सेवाको रुपमा विकास गर्न आफूहरू लागिपरेको बताउनुभयो ।<br> <br>सरकारले आगामी बजेट मार्फत चितवनको भरतपुरमा अन्तर्राष्ट्रियस्तरको औद्योगिक प्रदर्शनीस्थल निर्माण गर्ने भएको छ ।<br><br></p>
