ट्रिपरले एम्बुलेन्सलाई ठक्कर दिंदा एक महिलाको मृत्यु, ४ जना घाईते

<p><span style="line-height: 1.42857;">बारा ।</span><br></p><p>बाराको निजगढ नजिक पूर्वपश्चिम महेन्द्र राजमार्गमा ट्रिपरले एम्बुलेन्सलाई ठक्कर दिंदा एक महिलाको मृत्यु भएको छ भने अन्य चारजना घाईते भएका छन् ।&nbsp;</p><p>हेटौंडाबाट विरामी वोकेर कोल्हवी तर्फ जाँदै गरेको ना ४ च १७७७ नम्बरको एम्बुलेन्सलाई निजगढबाट पथलैया तर्फ आउँदै गरेको ना ३ ख ९२८० नम्बरको ट्रिपरले विहिबार बिहान करीव ११ बजे निजगढ नजिक पर्ने उनासी पुलमा ठक्कर दिंदा सो दुर्घटना भएको हो।</p><p>एम्बुलेन्समा सवार कोल्हवी नगरपालिका २ की ६६ वर्षिया चन्द्रबन्दना मैनालीको मृत्यु भएको जिल्ला ट्राफिक प्रहरी कार्यालय बाराले जनाएको छ ।&nbsp;</p><p>दुर्घटनामा कोल्हवी नगरपालिका २ का ६७ वर्षिय बासुदेब मैनाली, ३० वर्षिया कमला मैनाली, सिर्जना मैनाली र एम्बुलेन्स चालक हेटौंडा ५ का उद्धव घिमिरे घाईते भएका छन् । घाईते सबैलाई उपचारका लागि वीरगञ्ज पठाईएको छ ।&nbsp;</p><p>दुर्घटनामा संलग्न ट्रिपरका चालक फरार रहेको जिल्ला ट्राफिक प्रहरी कार्यालय बाराका प्रहरी नीरिक्षक रितेन्द्र सिंहले जानकारी दिनुभयो ।&nbsp;</p>