४४ लाख मत बदर : दुई मत ल्याउने दल को हो ?

<p>काठमाण्डौ । &nbsp;निर्वाचन आयोगका अनुसार दोस्रो चरणमा निर्वाचनमा ६४ लाख ५० हजार ६४८ कुल मतदाता रहेकामा ३४ लाख ४८ हजार २९६ मतदाताले मतदान गरेका थिए। &nbsp;खसेको मत जम्मा ७६.५१ छ भने सदर मत प्रतिशत ८७.३२ छ। &nbsp;यस निर्वाचनमा १२.६८ प्रतिशत मत बदर भएको निर्वाचन आयोगले जनाएको छ।&nbsp;</p><p><br></p><p>सबैभन्दा बढी मत बदर कपिलवस्तुमा २२.७२ प्रतिशत मत भएको छ भने सबै कम गुल्मी जिल्लामा ५.६२ प्रतिशत। &nbsp;कपिलवस्तुमा सात पदका लागि तयार पारिएको मतपत्रमा तीन लाख ५१ हजार १९ मत बदर भएको पाइएको हो। &nbsp;आयोगले एउटा मत पत्रलाई छ समूहमा विभाजन गरी सात पदमा मतदानको व्यवस्था गरेको थियो। &nbsp;सदस्यको मतचिह्नमा रहेका एक र दुई चिह्नलाई आयोगले एउटै समूहमा राखेको थियो।</p><p><br></p><p>यस निर्वाचनमा स्वतन्त्रसहित ३४ वटा राजनीतिक दलले भाग लिएकोमा सबैभन्दा बढी नेकपा एमाले र सबै कम चुरे भावर राष्ट्रिय एकता पार्टी नेपालले मत प्राप्त गरेका छन्।</p><p>आयोगका अनुसार निर्वाचनमा एमालेले सातवटै पदमा गरी एक करोड तीन लाख ८४ हजार ५३६ मत पाएको थियो भने सबैभन्दा कम ल्याउने चुरे भावरले दुई मत मात्र प्राप्त गरेको छ। &nbsp;सो दलले प्रमुख तथा अध्यक्ष पदमा उम्मेदवारी दर्ता गराउँदा दुई मत प्राप्त गरेको आयोगको अभिलेखमा देखिएको छ। </p><p>&nbsp;यसैगरी संसद्को सबैभन्दा ठूलो दल नेपाली काँग्रेसले ९६ लाख ११ हजार २०८, माओवादी केन्द्रले ४९ लाख ७९ हजार ६०८ मत प्राप्त गरेको छ। &nbsp;१० हजार भन्दा कम मत प्राप्त गर्ने दलको सङ्ख्या २१ छ भने सयभन्दा कम मत प्राप्त गर्ने दलको सङ्ख्या सात छ।</p><p><br></p><p>&nbsp;</p>