एमालेका १० जिल्ला अध्यक्ष चुनावी मैदानमा

काठमाडौं । दोस्रो चरणको स्थानीय चुनाव हुन लागेका ३५ जिल्ला मध्ये ८ जिल्लामा एमालेका जिल्ला अध्यक्षहरु नै चुनावी मैदानमा उत्रिएका छन् ।<a href="http://www.sipradi.com.np/page/media/enquiry-sheet.html" target="_blank" class="desktoponly" style="color: rgb(41, 100, 160); font-family: "Ek Mukta", serif; display: block; font-size: 16.368px; background-color: rgb(255, 255, 255);"></a>पहिलो चरणमा जस्तै सबैभन्दा धेरै जिल्ला अध्यक्षहरु चुनावी मैदानमा गएका छन् ।एमालेका सबैभन्दा धेरै जिल्ला अध्यक्ष प्रदेश नम्बर १ बाट मैदानमा छन् भने सात नम्बर प्रदेशका कुनै पनि जिल्ला अध्यक्ष चुनावी मैदानमा गएका छैनन् । केन्द्रीय सदस्य पनि चुनावी प्रतिस्पर्धामा गएका छैनन् । एमालेका मोरङ जिल्ला अध्यक्ष बिनोद ढकाल विराटनगर महानगरपालिकाको मेयर उम्मेदवार बनेका छन् ।सुनसरी जिल्ला कमिटी अध्यक्ष द्वारिकलाल चौधरी इटहरी उपमहानगरपालिकाको मेयरको उम्मेदवार बनेका छन् ।त्यसैगरी एमालेका झापा जिल्ला अध्यक्ष चिन्तन पाठक पनि चुनावी मैदानमा गएका छन् । उनी बुद्धशान्ति नगरपालिकाको मेयर उम्मेदवार बनेका छन् ।पाँचथरको फिदिम नगरपालिकामा एमालेका जिल्ला अध्यक्ष राजकुमार भण्डारी मेयर उम्मेदवार बनेका छन् । लिम्बु समुदायको बाहुल्य रहेको जिल्लामा सांसदको टिकट बाहुन क्षेत्रीले पाउने सम्भावना नरहेकाले उनी मेयरको उम्मेदवार बनेका हुन् ।एमालेका भोजपुर जिल्ला अध्यक्ष प्रेमकुमार राई जिल्लाको हतुवागढी गाउँपालिका अध्यक्षको उम्मेदवार बनेका छन् । दोस्रो पटक एमाले जिल्ला कमिटी अध्यक्ष बनेका राईको गाउँपालिकामा अर्को संयोग के देखिएको छ भने उनका विरुद्ध जिल्लामा दर्ता भएका सबै दलले तालमेल गरेका छन् ।भोजपुरका अधिकांश स्थानीय तहमा कांग्रेस, माओवादी र संघीय समाजवादीले तालमेल गरेका छन् । एमाले जिल्ला अध्यक्षविरुद्ध खम्बुवान, राप्रपा लगायतका दलसमेत एकजुट भएका छन् ।एक नम्बर प्रदेशकै ओखलढुंगा जिल्लाको एकमात्र नगरपालिका सिद्धिचरणको मेयरमा एमाले जिल्ला अध्यक्ष मोहनकुमार श्रेष्ठ उम्मेदवार बनेका छन् । श्रेष्ठ साबिक ओखलढुंगा गाविसका पूर्वअध्यक्ष हुन् ।५ नम्बर प्रदेशबाट ४ जनाप्रदेश नम्बर ५ बाट एमालेका ४ जना जिल्ला अध्यक्ष चुनावी मैदानमा छन् । बुटवल उपमहानगरपालिकाको मेयरमा एमालेका रुपन्देही जिल्ला अध्यक्ष शिवराज सुवेदी उम्मेदवार बनेका छन् । सुवेदीविरुद्ध बुटवलमा कांग्रेस, माओवादी र जनमुक्ति पार्टीबीच गठबन्धन भएको छ ।बर्दियाको गुलरिया नगरपालिकाको मेयरमा एमालेका जिल्ला अध्यक्ष हरिप्रसाद ज्ञवाली उम्मेदवार बनेका छन् । त्यस्तै प्युठानको प्युठान नगरपालिकामा एमालेका जिल्ला अध्यक्ष तुलसीराम शर्मा मेयरको उम्मेदवार बनेका छन् ।त्यस्तै गुल्मीको छत्रकोट गाउँपालिकाको अध्यक्षमा एमाले गुल्मी जिल्ला कमिटी अध्यक्ष मधुकृष्ण मन्थ उम्मेदवार बनेका छन् । उनी ०५४ सालमा पनि गाविस अध्यक्ष निर्वाचित भएका थिए । उनीविरुद्ध कांग्रेस र माओवादीले तालमले गरेका छन् ।एमालेले स्थानीय तहको महत्व धेरै रहेकाले सकेसम्म जिल्लाका अध्यक्ष र पदाधिकारीहरुलाई नै चुनावी मैदानमा जान प्रेरित गरेको केन्द्रीय प्रचार विभाग सचिव विष्णु रिजालले बताए । उनले जिल्ला उपाध्यक्ष र सचिवहरु उम्मेदवार बनेको बताए ।यसअघि पहिलो चरणमा चुनावी मैदानमा गएका अधिकांश एमाले जिल्ला अध्यक्षहरु बिजयी भएका थिए । दोलखाका ईश्वरचन्द्र पोखरेल, काभ्रेका टोकबहादुर वाइबा, सल्यान जिल्ला अध्यक्ष गोविन्द पुनले चुनाव जितेका थिए ।

एमालेका १० जिल्ला अध्यक्ष चुनावी मैदानमा

प्रतिक्रिया

सम्बन्धित खवर

ताजा समाचार

तारकेश्वरमा सरकारी सेवामा जोडिएका व्यक्तिको सन्तान सामुदायिक विद्यालयमै पढ्नुपर्ने

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

चौतर्फी आलोचनापछि गृहमन्त्री गुरुङको राजीनामा

बट्टारको हावाघरमा आइतबारे कृषि हाट बजार केन्द्र सञ्चालनमा

नेपालद्वारा युएई ८ विकेटले पराजित

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता