देउवा २६ बर्षदेखी सत्तामा, ७१ बर्षमा चौथो पटक प्रधानमन्त्री ‘यस्तो छ देउवाको बिगत’

<p><span style="line-height: 1.42857;">काठमाडौं ।</span><br></p><p>आज व्यवस्थापिका संसदबाट चौथौं पटक मुलुकको प्रधानमन्त्री पदमा निर्वाचित हुनुभएका नेपाली काँग्रेसका सभापति देउवाको जन्म डडेलधुरा जिल्लाको रुवाखोला, आशिग्राममा वि.सं. २००३ सालमा भएको हो । हाल उहाँ बुढानिलकण्ठ नगरपालिकामा बस्दै आउनुभएको छ ।</p><p>राजनीतिशास्त्रमा स्नातोकोत्तर गर्नुभएका ७१ वर्षीय नवनिर्वाचित प्रधानमन्त्री देउवा यसअघि २०५२, २०५८ र २०६१ सालमा गरी तीनपटक प्रधानमन्त्री भईसक्नुभएको छ ।</p><p><br></p><p>नेपाली काँग्रेसको भ्रातृ संगठन नेपाल विद्यार्थी संघका संस्थापक सदस्य र सभापति समेत रही सक्नुभएका प्रधानमन्त्री देउवा २०४८ सालको संसदीय निर्वाचनमा डडेल्धुराबाट पहिलोपटक संसदमा निर्वाचित हुनुभएको थियो र तत्कालीन सरकारमा गृहमन्त्री हुनुहुन्थ्यो ।&nbsp;</p><p><br></p><p>२०५१ सालमा नेपाली काँग्रेस संसदीय दलको नेता हुनुभएका प्रधानमन्त्री देउवा कृष्णप्रसाद भट्टराई नेतृत्वको सरकारका बेला २०५६ सालमा तत्कालीन माओबादी समस्या समाधान सुझाव उच्चस्तरीय समितिको संयोजक हुनुहुन्थ्यो ।</p><p><br></p><p>२०५८ सालमा नेपाली काँग्रेस विभाजित भएपछि उहाँको नेतृत्वमा नेपाली काँग्रेस प्रजातान्त्रिक गठन भएको थियो । २०७२ साल चैत्तमा नेपाली काँग्रेसको काठमाण्डौमा सम्पन्न तेह्रौ महाधिवेशनबाट सभापतिमा निर्वाचित हुनुभएका प्रधानमन्त्री देउवाले पटकपटक गरी १० वर्ष जेल जीवन बिताउनुभएको छ ।</p>