नशालु पदार्थ सेवन गराई लुटपाट गर्ने ५ जना पक्राउ

<p>तारा पौडेल-११ जेठ, पोखरा ।<br><br>नशालु पदार्थ सेवन गराई लुटपाट गर्ने ५ जनालाई कास्की प्रहरीले मंगलवार पक्राउ गरेको छ ।</p><p>यसरी पक्राउ पर्नेमा स्याङ्गजा स्वरेक वडा नं ७ बस्ने बर्ष ४९ को विकास भन्ने डिलबहादुर सेन ठकुरी, नवलपरासी अरुणखोला गा.वि.स.वडा नं ८ बस्ने बर्ष ३७ को प्रकाश सुनार, पर्वत हसौनी गा.वि.स.वडा नं ६ घर भई हाल रुपन्देही वुटवल न.पा. १२ बस्ने बर्ष ५९ को राम गुरुङ, स्याङ्जा छाङछाङ्दी वडा नं.१ भई हाल रुपन्देही वुटवल न.पा.वडा नं १२ बस्ने बर्ष ४५ को लालेबहादुर दमै र स्याङ्गजा पेलाकोट गा.वि.स.वडा नं. ६ घर भई हाल पोखरा उपमहानगरपालिका ७ बस्ने वर्ष ४५ को धन बहादुर वि.क. रहेका छन् ।</p><p>निजहरुले विभिन्न व्यक्तिहरुलाई नशालु पदार्थ सेवन गराई विभिन्न ठाउँबाट लुटेर फरार भएको भन्ने जिल्ला प्रहरी कार्यालय कास्कीलाई प्राप्त विषेश सुचनाको आधारमा उनीहरुलाई पक्राउ गरिएको कास्की प्रहरीले जनाएको छ ।</p><p>उनीहरुले रुपन्देहीको बुटवल नगर क्षेत्रका विभिन्न स्थानमा जग्गा बेच्ने व्यक्तिहरुको मोवाईल नम्वर पत्ता लगाई आफु जग्गा किन्ने व्यक्ति भएको भन्दै मोल—मोलाई गर्नको लागि बुटबल वसपार्कका होटलहरुमा बोलाएर पेय पदार्थ (जुस) तथा विष्कुटमा नशालु पदार्थ मिसाई खुवाएर बेहोस बनाई लुट्ने तथा पोखराका विभिन्न स्थानहरुबाट पाल्पा, मुग्लिङ, मनकामना सम्म जानु छ भनेर ट्याक्सी रिर्जभ गरी उक्त स्थान तर्फ लैजाँदा बाटोमा पेय पदार्थ (जुस) तथा विस्कुटमा नशालु पदार्थ मिसाएर खुवाई बेहोस बनाई विभिन्न गर–गहना र नगद तथा मोबाईल समेत लुटेर पोखरामा लुकि छिपी बसेको अवस्थामा प्रहरीले पक्राउ गरेको हो ।</p><p>वडा प्रहरी कार्यालय बैदाम कास्कीबाट खटिएको प्रहरी टोलीले उनीहरुलाई पोखरा ७ जनप्रिय मार्गबाट नशालु औषधी र बिस्कुट सहित पक्राउ गरेको र थप अनुसन्धान भईरहेको कास्की प्रहरीले जनाएको छ ।</p><p>कास्की प्रहरीका अनुसार निजहरुले वुटवल—रुपन्देही, मुग्लिङ—चितवन र पाल्पामा समेत विभिन्न व्यक्तिहरुलाई नशालु पदार्थ सेवन गराई नगद तथा सुनका गरगहनाहरु लुटि फरार रहेको भन्ने रहस्य प्रारम्भिक अनुसन्धानको क्रममा खुलेको छ ।<br><br></p>