24.93¡ÆC
पप्पु गुरुङ्ग, १४ फागुन, दोधारा चाँदनी । दोधारा चाँदनी क्षेत्रमा बिगत लामो समय देखि मेडिकल संचालन गर्दै आएका एक भारतिय नागरिकको शनिवार राती हत्या भएको विषयमा प्रहरी टोलीले अनुसन्धानमा तदारुकता ल्याएको छ् । ईलाका प्रहरी कार्यालय दोधारा चाँदनी र क्षेत्रिय अनुसन्धान ब्यरो (आरआईटी) को टोली हिजो देखि अनुसन्धानमा जुटेका छ् । यता स्थानियहरुलाई साँझ पर्न साथ त्रासको बाताबरण श्रजना भएको बताउदै आएका छन् । दोधारा चाँदनीमा बिगत लामो समय देखि मेडिकल संचालन गर्दै आएका भारतिय नागरिकको हत्यालाई रहस्यमय तरिकाले स्थानियहरुले हेर्दै आएका छन् । ईलाका प्रहरी कार्यालय दोधारा चाँदनीको टोली र क्षेत्रिय अनुसन्धान ब्युरोको टोली हिजै देखि घट्नास्थल तथा आसपासको क्षेत्रमा अनुसन्धान थालेको छ् । प्रहरीले घट्नाको बारे जानकारी गराउने, स्थानियबासी तथा किस्ती चालक तथा बाबाथानमा रहेको मेडिकल रहेको घर मालिक संग जानकारी संकलन गरेको छ् । टोलीले घट्नास्थलको आज पनि सर्च अभियान थालेको हो । प्रहरीको टोलीले कुतियाकवर तथा आसपास क्षेत्रका स्थानियहरु संग सोधपुछ बढाएको । “हामीले आज पनि अनुसन्धानलाई निरन्तरता दिएका छौ” ईलाका प्रहरी कार्यालय दोधारा चाँदनी प्रहरी निरिक्षक बीरदत्त पन्तले भने,– “हामीले सिलसिलेवार अनुसन्धान थालेका छौ” भारतिय नागरिकको नेपाली भुमीमा बिभत्स हत्या हुनुले दुबै देशको सम्बन्धमा तितोपन ल्याउने सक्ने प्रवल सम्भावना पनि त्यत्तीकै प्रवल भएको एक थरीको भनाई रहेको छ् । प्रहरीले उक्त घट्नालाई सुक्षमरुपमा अनुसन्धान गर्दै गरेको दाबी गरेको छ् । नेपाली क्षेत्रमा बिगत लामो समय देखि मेडिकल संचालन गर्दै आएका बिजय कृष्ण हिरा– ५० को नेपाली भुमीमा शनिवार राती योजनाबद्ध तरिकाले बिभत्स हत्या गरिनु चानचुने रिसिवी नभै ठुलै ब्यक्तीगत रोष भएको कारण उनको हत्या भएको स्थानियहरुले अडकल काट्न थालेका छन् । प्रहरीले हत्यामा प्रयोग भएको भनिएको रगत लागेको रड, फिङगर प्रिन्ट लगाएत जाँचको लागी पठाईसकेको बताएको छ् । “भोली भारतको पिलिभित जिल्ला, माधवताण्डा थाना, नौजलीया ग्राम पञ्चायतमा गएर मृतक भारतिय नागरिक बिजय कृष्ण हिराको परिवारजन, स्थानियहरु लगाएत भारतिय प्रहरी संग सोधपुछ तथा हत्याको बिषयमा छलफल गर्ने योजना रहेको छ् ” प्रहरी निरिक्षक बीरदत्त पन्तले बताए । शनिवार भएको हत्याको जानकारी लिन आज अञ्चल प्रहरी कार्यालय कञ्चनपुरका प्रहरी बरिष्ठ उपरिक्षक शुशिल कुमार भण्डारी ईलाका प्रहरी कार्यालयमा आएका थिए । हत्याको सम्पुर्ण जानकारी तथा अनुसन्धानको जानकारी गराएको ईलाका प्रहरी श्रोतले जनाएको छ् । दोधारा चाँदनी नगरपालिका वडा नं. ७, बाबाथान बजारमा बिगत २०/२५ वर्ष देखि निरन्तर मेडिकल संचालन गर्दै आएको पिलिभित जिल्ला, माधवताण्डा थाना, नौजलीया ग्राम निवासी बिजय कृष्ण हिरा– ५० को शनिवार राती करिब ९ देखि १० बजे दोधारा चाँदनी नगरापलिका वडा नं. १०, बैतिफाँटा, जगबुडा नदीको नजिक निर्मम तरिकाले हत्या गरिएर फालिएको थियो । उनि माथी धारिलो हतियारले पिट्यु, घाँटी तथा टाउकोमा प्रहार गरि निर्मम हत्या गरिएको हो ।
